Кирәкми безгә сугыш! - девизы астында асфальтка рәсем төшердек.

Үскәндә яфрагын ашыйлар,

Үсеп җиткәч үзен ашыйлар.

Суганнарны утыртып, аның билгеләрен, үзенчәлекләрен күзәтәбез. Кыягының ашарга яравын, аннан соң төптә суган барлыкка килүен белдек. Суган нидән файдалы һәм нәрсәгә кирәклеге турында әңгәмә уздырдык.

Эх, рәхәттә соң чирталар сикереп уйнаулары. 

И сабыйлар! Эшләгез сез,

Иң мөкадәс нәрсә - эш.

Эш агачы һәрвакытта

Бик юмарт китерер җимеш.

Ямьле язлар белән бергә

Дөньяга килгән Тукай.

Ул һаман да безнең белән,

Ул һаман да яшь бугай.

Яратабыз "Туган тел"не,

"Шүрәле" һәм "Су анасы"н.

Без - Тукай нәселеннән,

Без бит - татар баласы.

Кечкенәләребез комлыкта уйнарга бик яраталар. Алар комнан төрле әйберләр ясап, хыялый дөньяларын баеталар.

Иске Юраш мәдәният сараенда авылның смотр-концерты булып узды. Безнең кечкенә генә артистларыбыз да үзләреннән өлеш керттеләр. Алар "Әй, әбием, әбекәй"  җыры белән бәйрәмне башлап җибәрделәр. Әфәрин, балалар! Киләчәктә дә уңышлар телибез сезгә.

Бөҗәкләр дә уяна башладылар. Балалар белән яз килүенә сөенеп  көн саен яңа яңалыклар ачабыз. "Солдатик"ларның уянганын инде байтактан күрсәк тә, күбәләкләрне күргәч бигрәк сөендек. Күбәләкне бүлмәбезгә алып кергәч, ул рәхәтләнеп очып, балаларыбызны куандырды.

Саф һавада уйнавы бигрәк рәхәт. Уйнап кына калмыйбыз, төрле кызыклы ярышлар да үткәрәбез. Балалар бигрәк йөгерергә яраталар. Зурларыбыз гына түгел, кечкенәләребез дә йөгерергә өйрәнделәр. Урамда мондый ярышлар үткәреп, сәламәтлегебезне ныгытабыз.

Балалар язны сагындылар. Кечкенәләр кояшны матур итеп буясалар, зурларыбыз чәчәкләр төшерделәр.