Кар дип җиргә басасың,

Суга кереп батасың.

Чыксын инде умырзая,

Кар астында ятмасын.

Кояш көлә, мин елмаям,

Туган көнем бүген.

Шуңа күңелем шат минем.

Халкыбызның җырлы - биюле, сүзле, хәрәкәтле уеннар уйнап күңел ачтык. Нәүрүзбикә әзерләгән язгы табышмак-сынамышларга җавапларны да бик тиз таптык.

Көннәр аяз, күктә алсу

Нур сибеп, кояш көлә.

Җиргә тама көмеш тамчы -

Сагынып көткән яз килә.

Искә ала бүген Ватаныбыз

Шаулап үткән көрәш елларын.

Данлый, зурлый һәм хөрмәтли

Курку белмәс батыр улларын.

Бүген, балаларда культура - гигиена, үз - үзенә хезмәт күрсәтү күнекмәләре ни дәрәҗәдә икәнен билгеләү максатыннан, кием шкафларындагы тәртип белән танышып чыктык.Балалар үз-үзләренә бәя куйдылар, шкафын иң тәртипле тотучыны бергәләп билгеләдек. Бу атнада Шәрәфетдинова Р.Р. җиңүче булды. Балаларга стимул өчен җиңүчегә бүләк тә әзерләдек.

Бүген бакчабыз нәниләре 8 март бәйрәме уңаеннан авылыбыз мәдәният йортында узган концертта чыгыш ясадылар. "Кечкенә генә - төш кенә генә" булса булды, нәниләребезнең чыгышы тамашачылар алкышы белән хупланды.Беренче адымнары киләчәктә ныклы адымнар белән алышынсын,кыю, тәвәккәл булсыннар!

Чәчәккә күмелде бакчабыз,

Мартның иң матур көнендә,

Ясадык без матур чәчәкләр

Килегез бакчага күрергә.

Бүген - әниләр бәйрәме,

Бүген җирдә тантана.

Кояш шуңа көлә бүген,

Гөлләр шуңа шатлана.

Киле җитте 8 нче Март!

Әниләр, бу сезнең көнегез.

Сез үстергән балалардан бүген

Кайнар котлау кабул итегез.