Хөрмәтле  тәрбиячеләр,  Сезне ихлас күңелебездән   узып киткән 8 нче март  белән тәбрик итәбез! Барыгызга да ныклы сәламәтлек, шатлык-куанычлар, гаилә тынычлыгы, тынгысыз, авыр хезмәтегездә зур сабырлык, түземлелек, зурдан-зур уңышларга ирешүегезне теләп калабыз. Үзегез тәрбияләгән  балаларның, аларның әти-әниләренең, тирә-юньдәгеләрнең олы хөрмәтен, ихтирамын тоеп яшәргә һәм эшләргә насыйп булсын сезгә.

Көннең яктылыгы кояшта,
күкнең матурлыгы йолдызларда,
җир йөзенең гүзәллеге хатын-кызларда.
Сезне шул җир йөзен бизәген
халыкара хатын-кызлар көне белән тәбриклибез!
Бәйрәмнең кайсы да тәнгә җиңеллек,
рәхәтлек, җанга ял алып килә.
Шушы бәйрәм көне, елмаеп баткан кояш матурлыгын,
табигатьнең самимилеген өстәп, 
күңелегезгә шатлык, тәнегезгә сихәтлек, 
өегегә иминлек алып килсен

Карлы-буранлы кыш азагында, безнең яраткан шагыйребез Муса Җәлил туган.Ул 1906 нче елның 15 нче февралендә элекке Оренбург  губернасы Мостафа  авылында туа. Кечкенә Муса сәләтле, тырыш була. Укырга да тиз өйрәнә.М. Җәлил балалар өчен кызыклы шигырьләр яза. Кайбер шигырьләренә көй языла. Ул балаларны укырга, эшне яратырга, табигатьне сакларга өйрәтә.М.Җәлил дигәндә - татар халкын, ә татар халкы дигәндә, М.Җәлилне күз алдына китерәләр. Аның шәхесен һәм батырлыгын бөтен дөнья белә.

Әйтче, Муса, шундый батырлыкны

Кай җиреңдә саклап йөреттең?

Кемнән алдың мондый горурлыкны?

Нинди ялкыннарда чыныктың?

Җиңәр өчен шундый дошманнарны

Корычтан булгандыр беләгең.

Сөйләр өчен палач битенә төкереп

Куш булгандыр синең йөрәгең.

Арабыздан үзе югалса да,

Юк суытмас һични бу эзне.

Көрәштәге Муса, солдат Муса,

Йөрәктәге Муса ул безнең.