Сәламәт яшәү рәвешен пропагандалау,физкультура һәм спорт белән шөгыльләнүне арттыру максатыннан,16 ноябрь-Бердәм йөзү көне буларак кабул ителде. Әлеге чарадан без дә артта калмадык.Сәламәтлек үз кулларыбызда! Барыбыз да сәламәт булыйк!

Бүген мәктәбебезнең 8 нче сыйныф укучылары эшмәкәрлек буенча онлайн тест уздылар.

Информатика укытучысы Зиганшин А.Р. 9 нчы сыйныф укучылары өчен "Интернет челтәрендә куркынычсызлык" дәресе уздырды. Дәрестә укучылар үзләре өчен бик күп файдалы мәгълүмат алдылар,интернет челтәреннән ничек дөрес файдалану серләренә төшенделәр.

Бүген 6-8 сыйныф укучылары Кайбыч мәдәният йортында Россиянең атказанган, Татарстанның халык артисты Айдар Фәйзрахманов җитәкчелегендәге Татарстан Республикасы фольклор музыкаль дәүләт ансамбле тарафыннан куелган концерт карадылар.

Бүген мәктәбебезнең 5 нче сыйныф укучылары сыйныф җитәкчеләре белән берлектә Казанда Г.Кариев исемендәге Казан татар дәүләт яшь тамашачы театрында "Керпе малае үзенә дуслар эзли"спектаклен тамаша кылдылар. Укучыларга әлеге ял бик ошады.

Безнең дәүләт төзелешен илебезнең Төп Законы – Конституция билгели. 

Хәзер гамәлдә булган Конституция 1993 елның 12 декабрендә кабул ителде.

―”Конституция” латинчадан тәрҗемә иткәндә ―”төзелеш, карар” дигән мәгънәне аңлата. Законнар – илдә яшәүчелҽрнең барысы өчен дә мәҗбүри кагыйдәләр. Конституция Төп Закон дип атала, ә бу башка законнар аңа каршы килергә тиеш түгел дигән сүз.

Россия Конституциясендә ―Кеше, аның хокуклары һәм иреге югары кыйммәткә ия, диелгән.

4 ноябрь-Халыклар бердәмлеге көне. Безнең халыкта бик мәртәбәле бер әйтем бар: бердәмлектә – көч. Әйе, бердәм булсак, бер-беребезгә авыр чакта ярдәм кулы сузсак, җәмгыятебездәге вакыйгаларга битарафлык күрсәтмәсәк, төрле дин, милләт халкына, аларның гореф-гадәтләренә хөрмәт белән карасак, шул чагында без – көчле халык. Иң әһәмиятлесе – кыйблабыз ачык, туры булсын.

Бүген мәктәптә "Мәктәп укытучыларының профессиональ компетентлыгын үстерү-хәзерге заман таләпләренә туры килгән укытуның сыйфатын күтәрүдә төп фактор" дигән темага педагогик киңәшмә узды. Киңәшмәдә 1 нче чиреккә йомгак ясалды, 7-8 сыйныфлардагы мониторинг нәтиҗәләре анализланды,1,5 сыйныф укучыларының адаптация узу чорына информация бирелде.

27 октябрь көнне Салават күпере спорт комплексында"Бердәм Россия","Бердәмлек көне" бәйрәмнәренә багышланган  көрәш ярышында Кошман мәктәбе командасы -2 нче урынга лаек булды! Аерым весларда җиңүчеләребез - Гирфанов Илсаф(3 урын), Саттаров Айназ(3 урын), Аллаяров Марс(2 урын), Саттаров Илсаф( 1 урын). Молодцы,укучылар! Афәрин!

27 нче октябрь көнне мәктәптә Комсомол оешуның  100 еллыгы уңаеннан чара булып узды. Әлеге чарада Кайбыч муниципаль районы башлыгы урынбасары Хәялиев Рәмис Рафис улы да катнашты.Укытучылар укучылар алдында элеккеге комсомолларны күрсәттеләр,җырын җырладылар. 1918 ел ,29 октябрь- Комсомол туган көн.Комсомол оешмасы сафларына кабул ителгәндә комсомолчылар В.И. Ленин  силуэты төшерелгән ал билетны кулларына алган булганнар. Бүген әлеге оешмалар юк инде. Мәктәбебездә яшь армиячеләр бүген кулларына таныклыклар алдылар. Аларга аны изге теләкләрен теләп,Хәялиев Р.Р. тапшырды.