Һәр елдагыча быел да мәктәбебезнең укучылары,укытучылары,хезмәткәрләре "Милләтләр кроссы"нда актив катнаштылар. Башлангыч сыйныф кызлары арасында 3 урында 3 нче сыйныфтан  Арифуллина Зәлинә,2 нче урында 2 нче сыйныфтан Насретдинова Зәйнәп,1 нче урында шушы ук сыйныфтан Закирова Айзилә. Малайлар арасында 3 нче урында 2 нче сыйныфтан Закиров Фәнил, 2 нче урында 3 нче сыйныфтан Гирфанов Илназ,1 нче урында шул ук сыйныфтан Гарифуллин Илназ. 5-9 сыйныф кызлары арасында 3 нче урында 7 нче сыйныфтан Миңнуллина Исламия, 2 нче урында 8 нче сыйныфтан Шәмсетдинова Камилә, 1нче урында шул ук сыйныфтан Хикматуллина Кадрия. Малайлар арасында 3 нче урында 8 че сыйныфтан Сабиров Сәйдәш, 2 нче урыда әлеге сыйныфтан Миңнуллин Ислам, 1 нче урында  9 нчы сыйныфтан Саттаров Айназ.Молодцы,укучылар!

Л.Н.Толстой тууына 190 ел туңу уңаеннан 6 нчы сыйныфта Л.Н.Толстойга багышланган тәрбия сәгате узды. Укучылар әдипнең тормыш юлы һәм иҗаты белән якыннанрак таныштылар,үзләрен кызыксындырган сорауларга җаваплар алдылар.

Бүген укучыларыбыз "Салават күпере" спорт комплексыныда бассейнда су коенып сәламәтлекләрен ныгыттылар.

Һәр сыйныфта "Экстремистлыкка юк"! темасы астында сыйныф сәгатьләре үткәрелде. Укучылар экстремизм төшенчәсе белән таныштылар, темага кагылышлы рәсемнәр ясадылар,үзләре өче  файдалы булган  мәгълүматлар алдылар. 

Көзге уңышны җыеп алыр чак җитте. Укытучылар,укучылар,мәктәп хезмәткәрләре мәктәп бакчасыннан  бәрәңге уңышын җыеп алдылар..  

Бүген мәктәп территориясен тоту максатыннан өмә оештырылды. Бу эштә безгә әтиләребез ярдәм күрсәттеләр.Өмәгә килүче әтиләргә рәхмәт.

Кызыл чөгендер уңышы сөендерә.

Уку елы башында укучыларның куркынычсызлыгын тәэмин итү,гадәттән тыш хәлләр туган очракта аек акыл белән эш итү максатыннан "Куркынычсызлык айлыгы" игълан ителә.Айлыкта укытучылар,укучылар белән янгынга каршы инструктажлар үткәрелә. Шул максаттан бүген Валиев И.И. укытучылар белән "Куркынычсызлык дәресе" уздырды.

Районда 3 сентябрь көнне Террорчылыкка каршы көрәштә бердәмлек көне билгеләп үтелә.Шул уңайдан Кошман  мәктәбендә  "Беслан фаҗигасе безнең йөрәктә" дигән слайд-презентация күрсәтелде.Чара барашында 12 ел элек Төньяк Осетиядә булган коточкыч трагедия искә алынды,терроризм һәм экстремизм хакында сөйләшү булды.2004нче елның 1 нче сентябрендә боевиклар тантаналы линейка вакытында Бесландагы мәктәптә һөҗүм итәләр һәм мина куелган бинада 1100 кешене ике көннән артык газаплыйлар.Ике көннән уку йорты бинасы штурм белән алынып,күпчелек тоткыннар азат ителде.Әмма шуларның 334.шул исәптән 186сы балалар һәлак булдылар.Слайд-презентация күрсәткәндә балаларга нәрсә соң ул терроризм һәм экстремизм?, террористларны ничегрәк күзаллыйсыз дигән сораулар бирелде.Яшь буын экстремизм һәи терроризм гына түгел,ә толерантлык турындагы төшенчеләр белән дә таныштылар.Бесландагы кебек фаҗигалар башка кабатланмасын иде дигән теләктә калабыз.

Бүген кабат бөтен мәктәпләрдә беренче кыңгырау, белем бәйрәме,тынычлык бәйрәме тантана итә.Быел мәктәбебездә 9 укучы беренче сыйныфка кабул ителде.

Хөрмәтле укытучылар,укучылар,мәктәп хезмәткәрләре! Барыгызны да белем бәйрәме белән тәбрик итәбез,эшегездә уңышлар теләп калабыз! Яңа уку елы котлы булсын!!!

Яңгырый бүген һәр төбәктә,

Көмеш кыңгырау чыңы. 

Мәктәпләргә рәхим ит

Әйдә! Яңа уку елы!