Бүгеннән мәктәп олимпиадаларына старт бирелде. Сәләтле балаларны ачыклау, аларның мөмкинлекләрен үстерү өчен менә дигән шартлар. Бары тик булган белемнәреңне, логик фикерләү сәләтеңне күрсәтергә кирәк. Уңышлар сезгә, укучылар.

Федоровское авылында урнашкан янгын сүндерү бүлекчәсе җитәкчесе  Өметбаев А. укучылар белән әңгәмә үткәрде. Янгын килеп чыгу сәбәпләрен аңлатты. Аны булдырмый калу юлларын өйрәтте. Башлангыч сыйныф укучылары белән темага кагылышлы мультфильм  карадылар, фикер алыштылар.

Бөек Ватан сугышында һәлак булучылар истәлегенә тынычлыкны символлаштырган кәгазь күгәрченнәр шарлар ярдәмендә  күккә  күтәрелде. Безнең тыныч тормышыбыз өчен яу кырында башын салган авылдашларыбызга, әби - бабайларыбызга рәхмәтебез чиксез. 

5 нче сыйныф укучылары табигатебезне өйрәнү белән мәшгуль. Сыйныф җитәкчеләре белән табигатьтә булып кайттылар. Агачның яшен билгеләргә өйрәнделәр.

Укучыларны төрле экстремаль хәлләрдән чыгу юлларын өйрәтү буенча мәктәпләрдә күләмле эш алып барыла. Бигрәк тә кеше күп җыелган урыннарда куркынычрак. Шуңа күрә гадәттән тыш хәлләр вакытында мәктәпләрдә төрле сигналлар бирелә. Бу сигналларны белү, бу вакытта үз - үзеңне дөрес тоту турында укулар үткәрелә. Чираттагы укулар бүген үткәрелде. 

Мәктәп яны тәҗрибә участогында өлгергән уңышны җыеп алу дәвам итә. Чөгендер уңышы  җитәрлек күләмдә җыеп алынды һәм сакларга салынды.

Бөтенроссия йөгерү көнендә барлык укучылар һәм укытучылар коллективы теләп катнашты. 

Татарстан варислары туган көнен билгеләп үтү традициягә әйләнде. Һәрбер сыйныфта  отряд сборлары үткәрелә. Быргы, барабан тавышлары ерак үткәнгә алып кайта. 

         Бүген республикабыз мәктәпләрендә башлангыч сыйныф укучылары белән бердәм  мәдәният  дәресе үткәрелде һәм балаларга “Укучының мәдәни көндәлеге” тапшырылды. Көндәлек беренче тапкыр 2014-2015 нче уку елында бирелгән иде. Бу республикабызның мәдәни учакларына юл ачты. Аның максаты - балаларны һәм әти-әниләрне мәдәният учаклары белән кызыксындыру һәм рухи байлыкларын арттыру.

Авылыбыз фелдшеры Сибгатова Фәридә апа безнең мәктәпнең даими кунагы. Ул бездә еш була, укучылар белән очраша, киңәшләрен бирә. Ә бүген исә ата - аналар җыелышында ОРВИны профилактикалау максатын куздә тотып чыгыш ясады.