Мәктәбебезнең 5 сыйныф укучысы Гатина Ләйлә  IT-Чемпион конкурсында катнашып,иң актив катнашучы исеменә лаек булды һәм Смартфон белән бүләкләнде.

Мәктәбебез Яңа ел бәйрәменә әзерлекне кардан сыннар әвәләүдән  башлады. Барлык сыйныф укучылары да бу эштә бик теләп катнаштылар.

12 декабрь көнне РФ Конституциясе көне уңаеннан  "Мин - Россия гражданины" дигән темага тарихи сәгать үткәрелде.

Бассейнда  йөзү-бик файдалы гамәл. Кукмара төбәгендә мәктәп укучылары өчен бассейнга бушлай йөрү мөмкинлекләре тудырылды.

Рәсемдә: мәктәбебезнең башлангыч сыйныф  укучылары   бассейнда йөзү күнекмәләрен үзләштерә.

Байлангар балалар бакчасы ишегалдына Яңа ел  рухы:  бакчага килгәндә үк нәниләрне әкияти шәһәрчек каршылый. Әкият  сыннарының күбесе балаларга таныш әкият персонажлары,төрле җәнлекләр: куян, аю, төлке һ.б. Бакчабыз түрендә Кыш бабай белән кечкенэ  оныгы  Кар кызы балаларны шушы әкияти шәһәрчеккә -бәхетле балачак дөньясына чакырып торалар төсле...

Башлангыч сыйныф укучылары белән "Әниләр бәйрәменә" әзерләнәбез...

     Күпсанлы бәйрәмнәр арасында күптән түгел генә барлыкка килгән Әниләр көне аерым бер урын алып тора. Әлеге бәйрәм һәр елны ноябрьнең соңгы якшәмбесендә үткәрелә. Бәйрәмнең максаты-гаилә кыйммәтләрен һәм традицияләрен ныгыту, җәмгыятьтә әниләргә карата хөрмәт хисләре тәрбияләү. Бу көнне барлык әниләргә дә балалар тәрбияләүдәге һәм җәмгыятьтәге уңышлары өчен рәхмәт сүзләре әйтәләр, котлыйлар. Без һәр елны балалар бакчасында тәрбияләнүче сабыйлар белән бергә әниләрне бәйрәм белән тәбриклибез, алар өчен шигырьләр, җыр-биюләр, бүләкләр әзерлибез.

         Рәсемдә: балалар бакчасында узган  Әниләр көненә багышланган бәйрәм иртәсеннән бер  күренеш

Балалар бакчасында тәрбияләнүче балалар белән әңгәмә."Мәүлид кичәсе-мөселман дөньясында иң зур бәйрәм".

Бүген беренче сыйныф укучылары  сыйныф җитәкчесе һәм әти-әниләре белән  күңелле экскурcиядэ булдылар. 

Хөрмәтле әти-әниләр,укучылар! Көзге каникуллар 31нче октябрьдән 6 ноябрьгә кадәр дәвам итәчәк.