Мәктәбебездә укучылар өчен  бәйгеләр үтеп тора. Ике атна дәвамында китапханәче тарафыннан "Туган як" һәм "Мәктәп" темасына багышланган бәйгенең җиңүчеләре дә билгеле булды. Алар: Смирнова Гүзәл , Бикбулатова Гөлия белән Алияләр. Котлыйбыз!

Атналык линейка белән  тәмамлады. Укучыларның тырыш хезмәте югары бәяләнде, грамоталар һәм бүләкләр тапшырылды. Мондый атналыклар балаларга кирәк. Чөнки укытучылар  яңа технологик алымнар кулланып эш иткәндә балаларга уку җиңел, кызыклы, мавыктыргыч булып тоела.

Укучыларыбыз төрле бәйгеләрдә катнаштылар. Тапкырлыкта, җитезлектә, бердәмлектә ярыштылар. ярышларда, чараларда үзләрен сынадылар. "Бантиклар бәйрәме”  бик җанлы һәм мавыктыргыч узды.

Бу көннәрдә  мәктәбебездә башлангыч сыйныф укучыларының  атналыгы башланып китте. Укучылар бик теләп барлык бәйгеләрдә дә катнашалар. Буген башлангыч сыйныф укучыларының “Күңелле стартлар” ярышы булып узды. Командалар икегә бүленеп үзләренә исем һәм девизлар уйлап килделәр. Беренче команданың исеме  “Дружба”, ә икечесенең “Оптимизм”.  Бу ярышлар  балаларда физкультура һәм спортка  кызыксыну уяту, актив ял итүне оештырырга өйрәтү, сәламәт яшәү рәвешенә өнди. Эстафета формасында уйналган бу ярыш зур җанлылык белән үтте, чөнки мондый ярышларда аерым катнашучының уңышы команданы җиңүгә алып чыкканын һәркем белә. Командалар ярышы дуслык җиңүе белән төгәлләнде.

Мәктәбебездә патриотик айлык  кызу темплар белән  башланып китте. Шул уңайдан укучылар бик теләп волейбол ярышларында катнашып киләләр. Һәр сыйныф команда туплап үзләренең көчләрен сыныйлар. Аларга уеннарында уңышлар теләп калабыз.

Мәктәбебездә патриотик айлык кысаларында башлангыч сыйныфлар арасында бадминтон ярышы башланып китте. Кече сыйныфларга бу ярыш бигрәк тә күңелле һәм кызык тоелды. Алар дәресләре бетүгә бадминтон уйнарга дип мәктәбебезнең спорт залына  бик теләп җыелалар һәм шушы бәйгедә кызыксынып катнашалар.

Халык җырлары, моңнары да гасырлар аша  буыннан буынга сакланып һәм камилләшеп, безнең бабаларыбыз тарафыннан калдырылган иң кадерле мирас булып тора. Шушы мирасны саклау өчен баян түгәрәгенең эшчәнлеге бүгенге көндә бик актуаль. Шушы түгәрәкнең җитәкчесе Гильмуллин Рәйхан Рөстәм улы үз эшенең остасы. Укучыларыбыз да бу түгәрәккә бик теләп катнашалар һәм төрле бәйгеләрдә зур уңышларга ирешәләр.

Мәктәбебездә 2018-2019 нчы уку елының 1 нче сыйныфына укырга керүче нәниләребезнең әти-әниләр җыелышы булып узды. Әлеге җыелышта укучыга, әти-әнигә, мәктәпкә кагылышлы сорауларга җаваплар, фикерләр тынланылды.

Атналык дәвамында мәктәптә укучылар көче белән хәзерләнгән күргәзмә макетларга, альбомнарга, рәсемнәргә бай иде. Һөнәри темага  уздырылган  лэпбуклар конкурсы тирән эчтәлекле, мәгълүмати һәм матур бизәлеше белән аерылып торды.

Башлангыч сыйныфлар атналыгының өченче көнендә мәктәбебезнең туган якны өйрәнү музеена экскурсия оештырылды.