"Яшелчә, җиләк - җимеш" проекты буенча, Н.Мадьяровның "Балан" шигырен уку алдыннан, без баланны күзәттек. Эшчәнлек алдыннан мин түбәндәге бурычларны максат итеп куям: балаларда табигатькә сакчыл караш тәрбияләү, витаминлы ризыклар белән кызыксыну теләге уяту. Балаларның фикерләү сәләтен, диалогик сөйләмен үстерү. Матур әдәбият аша урман җиләк -җимешләре турындагы белемнәрен баету, тулыландыру.

Муниципаль район башлыгы Анатолий Петрович Иванов  балалар белән гади дә, аңлаешлы да итеп әңгәмә корды. Балаларның җавапларыннан ул бик канәгатъ  калды.

Балаларның җаваплары кунакларның күңеленә бик хуш килде. Мәктәпкә киләсе елга укырга керүче 6 бала да укып күрсәтте. Хадиуллин Искәндәрнең оста итеп җавап бирүенә сокланып, үскәч "Глава" булырлыгың бар диеп, Анатолий Петрович Иванов барыбызны да сөендерде, һәм уңышлар теләде.

Физкультура эшчәнлеген балалар урамда бигрәк яраталар. Бүгенге эшчәнлекнең төп максаты ераклыкка сикерү.

Балаларда игътибарлылык, әйләнә- тирә табигатькә, урманга карата сакчыллык, миһербанлылык сыйфатлары, экологик культура тәрбияләү максатыннан елның төрле фасылында урманга экскурсиягә барабыз.

 Җитешкән ( өлгергән) чәчәк орлыкларын балалар бик теләп җыялар.

 Бакчабызда Сабантуй!

Шатлыклар күңелебездә.

Ал кояш күгебездә.

Килегез, дуслар бәйрәмгә, 

Сабантуй бүген бездә!

Мәчет - музейдагы экспонатларның күплегенә, төрлелегенә исең китәрлек. Менә кайда ул авылыбызның тарихы!.

 Балалар белән, эшмәкәр Мотыйгуллин Р.М. ның сарыкчылык комплексына, экскурсиягә бардык. Комплекс эчендә яшь бәрәннәрне , ә утарда сарыкларны күзәттек. безнең балалар һәр экскурсиядән бик сөенеп кайталар.