1941 нче елның 8 нче сентябреннән 1944 нче елның 27 нче январенә кадәр сузылган искиткеч авыр Ленинград блокадасын үз күзләре белән күргән, сугышның ачысын үз җилкәсендә татыган ветеран, инвалид -  Низамов Гыйльметдин бабай белән очрашып сөйләшү өчен, балалар белән өенә бардык. (Чөнки сәламәтлеге какшау нәтиҗәсендә йөри алмый. )

Авылыбызның  мәдәният  йортында  Габдулла  Тукайның  туган көненә "Тукай - шигъри чишмәбез"  дигән исем астында зур концерт куйдык. Булдыра безнең балалар дияргә генә кала!

Балалар бакчасында үткәрелгән шигырь конкурсында, күп шигырь белүе һәм сәнгатьле итеп сөйләве буенча 1 нче урынны алган, Хадиуллин Искәндәргә, бу концертта алкышлар аеруча күп булды. Җырга, нәфис сүзгә , биюгә дә оста шул ул безнең Искәндәр!.

 Авылыбызның  Мәдәният йорты каршында уздырылган "Нәүрүз" бәйрәмендә безнең нәниләребез дә бик теләп катнашты. Алар үзләренең җырга, биюгә осталыкларын күрсәттеләр. "Аргументы и факты" газетасыннан килгән корреспондентыбыз, Алия Шарафетдинова, балаларның чыгышын бик теләп фотога төшерде.

Тәмле дә соң "Карга боткасы"...Балаларыбыз учакта пешкән "Карга боткасы" белән сыйланалар.

Раимова  Ильзирәбез, мәктәп укучысы Миннегалиева Айгөл белән "Мисс- Мамадыш 2012" конкурсында катнашып җиңү яулап кайтты. Ильзирә алга таба да уңышлар сиңа!

Әтиләр һәм әниләр бәйрәмен без быел бергә үткәрдек. Бәйрәмебез түбәндәге программа буенча узды.

1. Балалар чыгышы.

2. КВН.

3. Чәй табыны.