Гимназиябездә бүген, ягъни 23 октябрьдә макулатура җыю оештырылды. Бу эштә укучылар бик теләп катнашты. Мисал өчен генә, 5 нче сыйныф укучылары тарафыннан гына 400 кг кәгазь җыелды. Әлеге эштэ актив катнашкан укучыларга гимназия администрациясе Рәхмәт белдерә һәм алга таба да мондый акцияләрдә катнашырга чакырып кала.

17-19 октябрь көннәрендә гимназиянең күргәзмәләр залында 2-11 сыйныф укучылары арасында "Яшь экскурсовод" конкурсы узды. Бу конкурс Рөстәм Хуҗинның "Урал киңлекләре буйлап" дип аталган рәсем күргәзмәсе нигезендә оештырылды. 

16 нчы октябрьдә гимназиядә ветеран укытучылар, гимназиянең укытучылар коллективы һәм хезмәткәрләре катнашында Корбан ашы үткәрелде.

Барлык мөселман кардәшләрне Корбан гаете белән тәбрик итәбез! Һәрбарчагызга исәнлек, гаиләләрегезгә иминлек, иман байлыгы телибез!

11 нче һәм 12 нче октябрь көннәрендә гимназиябезнең 9-11 сыйныф укучылары бик теләп экономика, 5-11 сыйныфлар физик тәрбия һәм гарәп теленнән олимпиада биремнәрен эшләделәр. Иң көчле дип табылган укучылар район турына барып та үзләрен сынаячаклар.

9 нчы октябрьдә инглиз теленнән фән олимпиадасының язма туры һәм 10 нчы октябрьдә әлеге фәннән телдән турлары уздырыла. Укучыларга бу фәннән дә уңышлар телибез!

7 октябрь көнне рус теленнән, 8 октябрь көнне физика һәм хокук буенча фән олимпиадалары уздырылды. Укучылар биремнәрне тырышып башкардылар.  Әлеге эш график буенча дәвам итә.

Кадерле укытучылар! Бәйрәмегез белән сезне! Уңышларга сөенеп, бәхет хисе кичереп яшәгез. Һәр таңны сау-сәламәт каршылагыз. Замана авырлыклары, күңел төшенкелеге киләчәктә сезне читләтебрәк үтәргә тырышсын. Йөзегездә бервакытта да елмаю сүнмәсен, укучыларыгыз сәләтле һәм тырыш булсын!

Гимназиябездә фән олимпиадалары дәвам итә. Укучылар 3 октябрь көнне математикадан, ә бүген-4 окябрьдә экологиядан олимпиада биремнәрен эшләделәр.

Лаеклы ялга чыккан ветеран укытучыларны котлау акциясе башланды.