6 декабрь көнне 8,9 сыйныф укучылары Мөслим муниципаль районы алкоголь инспекциясе җитәкчесе Гизетдинов Н.Н. белән очраштылар. Назиф Насихович укучыларны кулланучыларның хокуклары һәм бурычлары белән таныштырды.

3 декабрь көнне Баек мәктәбендә табигать фәннәре буенча үткәрелгән викторинада безнең мәктәп командасы 2 урынны яулады. Аларны чын күңелдән  котлыйбыз, киләчәктә иҗади уңышлар телибез.

Бәдретдинова Алисә биологиядән  Бөтенроссия  укучылар олимпиадасының муниципаль туры призеры булды (укытучысы Мубаракова Д.Ф.). Уңышлары белән чын күңелдән котлыйбыз!

Шимбә көнне 9 класс укучылыры ( класс җитәкчеләре Мурзина С.Н.) хезмәт һәм тыл ветераны Дөрия әбигә шефлыкка бардылар.

 Тәрбия эшләре буенча директор урынбасары Р.Г.Фаррахова гомуми линейкада 1 нче декабрьдән 30 нчы декабрьгә кадәр "Наркоманияне һәм СПИД авыруын профилактикалау" айлыгы булуын җиткерде. Айлыкның планы белән таныштырды. Шул ук вакытта СПИД авыруы, аның киләчәк өчен куркыныч булуы турында дәлилләр китереп сөйләде. 

1 нче декабрьдән мәктәптә "Инвалидлар ункөнлеге" үтә.

25 ноябрь көнне мәктәптә "Әниләр бәйрәме" узды.

8 нче сыйныф укучысы Латипова Л. "Глаголица" халыкара иҗади эшләр конкурсында катнашты һәм Казан шәһәренә бүләкләү тантанасына чакырылды. Тантана "Әкият" курчак театрында үткәрелде. Лилия "Татар телендә поэзия" номинациясендә кызыксындыру бүләгенә лаек булды,  эше "Глаголица-2016" иҗади эшләр җыентыгына кертелде. Катнашучылар "Су анасы" исемле курчак театры да карадылар. Җитәкчесе татар теле һәм әдәбияты укытучысы Хәкимова Г.Ш.

Бүген  "Мизгел" яшьләр үзәгендә "Сәләтле балачак бәхетле булачак" фестивале узды. Фестивальгә республика конкурсларының муниципаль этабы җиңүчеләре чакырылган иде. Безнең мәктәптән Хәдәрова Алия  "Боз өстендә сак бул!" рәсем конкурсында 2 урын (җитәкчесе башлангыч класс укытучысы Мухамадиева А.Ф), Солтанова Гөлфия һәм Зөлфия  "Г.Тукай әкиятләре геройлары" кул эшләре конкурсында 2 урын, Насыбуллин Азат "РТ символикасы" эзләнү эшләре конкурсында 2 урын (җитәкчеләре  башлангыч класс укытучысы Хамматуллина Р.М.) яуладылар һәм грамота белән бүләкләнделәр. Аларны уңышлары белән котлыйбыз!