6 нчы март көнне мәктәптә 8 март бәйрәме үтте.Бәйрәмгә килгән әниләр "Буш вакыт-алтын вакыт" темасына башлангыч класслар укытучысы Мәүләветдинова Илсөяр  Расимовна чыгышын тынладылар, укучылар тарафыннан оештырылган бәйрәм концертын карадылар.Аннан бәйрәм спорт залында дәвам итте. Әниләр һәм 8-9 класс кызлары арасында эстафета үткәрелде.

Кадерле хатын-кызларыбыз! Сезнең барыгызны да бәйрәм белән котлыйбыз. Сезгә бәхет-шатлык, эшегездә уңышлар, гаилә бәхете телибез.

Актанышта үткәрелгән ГТО буенча зона ярышларында район командасы составында мәктәбебезнең 6 класс укучысы Хәкимов Д. чыгыш ясады, 2 урынга ия булды.Котлыйбыз!

"Президент ярышлары"нда катнашып, 6 класс укучысы Хәкимов Д. 1 урын яулады.Котлыйбыз!

22 нче февраль көнне мәктәбебез укучылары “Йолдызлык -  2018” фестиваленең гала – концертында катнаштылар.  Алар уңышлы чыгыш ясап, призлы урыннар яуладылар:

1.     Холбутаева Наилә (“Вокал – соло” номинациясе) – 1 урын

2.     “Импульс” бию төркеме (“Хореография” номинациясе) – 2 урын

3.     Шамс Айрат, Ахматгалиев Рәфәгать, Шакирьянов Рүзәл (“Конферанс” номинациясе) – 2 урын

4.     “Әмәкәй егетләре” ансамбле (“Вокаль ансамбль” номинациясендә) – 3 урын

Укучыларның җитәкчеләре  Бәдретдинова Г.М. Аларны җиңүләре белән котлыйбыз! 

Ученица нашей школы Яруллина Р. участвовала в республиканской конкурс-выставке детского творчества  "Веселые истории фантазеров" посвященный 110-летию Николая Носова и 105-летию Виктора Драгунского. Она  заняла 3 место и была награждена дипломом и памятным подарком ( руководитель Хамматуллина Р.М.). Поздравляем!

5-6 класс укучылары балалар бакчасына шефлыкка бардылар. Укучылар технология дәресләрендә үзләре ясаган кул эшләрен  бүләк иттеләр, ничек ясаганнарын сөйләделәр. Балалар бүләкләргә бик сөенделәр, Лилиана курчаклар өчен атынгыч та ясап бирүләрен сорады.

Бүген 7 класс укучылары Шамс Айрат һәм Әхмәтгалиев Рәфәгать башлангыч класс укучыларын  шашка-шахмат серләренә өйрәттеләр.

5 класс җитәкчесе  Мурзина С.Н. "Гомрем минем моңлы бер җыр иде" дигән темага тәрбия сәгате үткәрде. Укучылар видео фрагмент караганнан соң Муса Җәлилнең шигырьләрен укып фикер алыштылар.

Бүген китапханәче Шамсова Резида Дәниф кызы башлангыч сыйныф укучылары өчен Библиофреш үткәрде. М. Әхмәтҗановның яна чыккан "Тапкырлар тапмый калмас" китабы белән таныштырды.

Бүген мәктәптә гомуми чаңгы ярышлары узды. Ярышларда 1-4, 5-9 класс укучылары һәм укытучылар катнашты.