Мәктәп ихатасына  чыршы һәм нарат үсентеләре утырту дәвам итә.

Районыбызда укытучылар өчен оештырылган ифтар мәҗлесендә 3 укытучыбыз катнашты.

Мәктәп яны тәҗрибә участогына укучылар һәм хезмәткәрләр көче белән 10 түтәл суган, 6 тутәл кишер, 5 түтәл чөгендер утыртылды.

7 нче май көнне Бөек Җиңүнең  76 еллыгына багышланган митингта чыгыш ясадык, һәйкәлгә венок салдык.

Май ялларына китү сәбәпле чираттан тыш линейка уздырылды. Укучылар  ял көннәрендә үз-үзеңне тоту, куркынычсызлык кагыйдәләре белән таныштырылды. Конкурсларда җиңгән укучыларга грамоталар тапшырылды.

“Чиста Мөслим” икеайлыгы кысаларында мәктәп ихатасына 30 төп  чыршы һәм нарат үсентеләре утырттык.

3 нче сыйныф укучылары беренче районкүләм “Балачак иле” бәйгесендә уңышлы чыгыш ясадылар.

Бүген мәктәбебездә, бөек шагыйребез Габдулла Тукайга 135 яшь тулу уңаеннан,  сәхнәләштерелгән шигырь бәйрәме узды. Бәйрәмдә нәниләребез шагыйрьнең шигырьләрен сөйләделәр, аның матур җырлары яңгырады.

Авыл китапханәчесе Даутова Р.С. катнашында класс сәгате үтте. Ул укучыларны Габдулла Тукайның иҗаты, аның әсәрләре буенча чыккан яңа китаплар белән  таныштырды.  

Метрәй башлангыч мәктәбе коллективы Бөтенрәсәйкүләм өмәдә катнашып, авылның парк, урамнарын, чишмә буйларын чистарттылар.