“Туган телләр һәм халыклар бердәмлеге елы” кысаларында мәктәпкәчә яшьтәге балалар төркемендә "Калфак бизәү” дип исемләнгән ачык шөгыль үтте. Балалар татар хатын-кызларының милли баш киеме-калфак белән таныштылар.Татар халык орнаментлары кулланып калфакны бизәделәр.

Укучылар, язын бакчага утырту өчен, яран гөле ботакларын рассадаларга утырттылар.

Класс сәгатендә укучыларга куркынычсызлык кагыйдәләре, өйдә, урамда үз-үзенне ничек тотарга кирәклеге турында аңлатылды. “Язгы каникул. Сак бул!” дип исемләнгән видеофильм күрсәтелде.

“Туган телләр һәм халыклар бердәмлеге елы” кысаларында башлангыч сыйныф укучылары,  зурлар төркеме балалары белән берлектә  “Нәүрүз” бәйрәме уздырдылар.

“Өйрәнүең үзең өчен” дип исемләнгән тормыш дәресендә укучылар юлда үзеңне дөрес тоту кагыйдәләрен ныгыттылар.

Укучылар яшь эшмәкәр Галимҗанов Булатның остаханәсендә булып  кайттылар. Алар Булат абыйларының калайдан чүкеп ясалган бизәкләре белән таныштылар.

Ял сәгатьләрендә,  мәктәпкәчә яшьтәге төркем балалары  төрле милләт халыкларының киемнәре , гореф-гадәтләре белән танышалар.

Район күләмендә үткәреләчәк “Яшь бөреләр” фестиваленә зур әзерлек бара. Укучылар, мәктәпкәчә төркем балалары  нәфис сүз, вокал, хореография номинацияләре буенча номерлар әзерлиләр.

Якташ язучыбыз Фоат Садриев юбилее  уңаеннан әдәби иртә үтте.