Әле кайчан гына мәктәптә белем алып йөргән укучыларыбыз - хәзер төрле уку йортларында төпле һөнәр үзләштерүче студентлар. 6 нчы февраль кичендә без аларны традиция буенча мәктәпкә "Студентлар очрашуы кичәсе"нә кунакка чакырдык. Килгән кунакларыбыз үзләренең студент тормышына бәйле вакыйгалары белән уртаклаштылар, уку йортлары турында әңгәмә оештырдылар, укучыларның һәм укытучыларның сорауларына җавап бирделәр . 

5 нче февраль көнне мәктәбебездә Туган телләр һәм халыклар бердәмлеге елы уңаеннан - "Форпост" җитәкчесе Сабиров Ильнур Ильшатович һәм  "Боец" хәрби-патриотик клубының җитәкчесе Иванов Альберт Викторович "Ватанны ярату. Патриотизм безнең йөрәкләрдә" дигән темага тәрбия сәгате уткәрделәр. Тәрбия сәгатендә алар узләренең тормыш юллары, уңышлары, патриот кем ул һәм ул нинди булырга тиеш булу турында сөйләделәр. 

Кышкы каникулларда үткән "Күңелле Кар бабай" акциясендә катнашкан укучыларыбыз сертификатлар белән бүләкләнделәр.

3 нче февраль көнне Тойгелде мәктәбендә Туган телләр һәм халыклар бердәмлеге елы уңаеннан китапханәдә татар теле китаплары күргәзмәсе оештырылды. 

2 нче февраль көнне Тойгелде мәктәбендә Туган телләр һәм халыклар бердәмлеге елы уңаеннан 1-4 нче сыйныф укучылары өчен “Мәгълүмат сәгате” дип аталган чара үтте. Барлыгы 16 кеше катнашты. Чараны башлангыч сыйныфлар укытучылары Дәүләтова Г.М., Насыйрова Р.Р. әзерләде. Чарага кунак итеп авыл китапханәчесе Бахтегараева Нурия чакырылды. Ул Татарстан Республикасы дәүләт символлары турында сөйләде: “Дәүләтнең яшәеше аның дәүләт, социаль үзенчәлекләрен, җәмгыятьнең тарихи үсешен, анда урнашкан гореф-гадәтләрне чагылдыра торган дәүләт символларыннан башка мөмкин түгел. Бүген Россия һәм Татарстанның үткән мирасын саклау, гражданнарның милли үзаңын үстерү мәсьәләләре актуаль".

Туган телләр һәм халыклар бердәмлеге елы уңаеннан укучыларыбыз Фирзәр Әхмәтҗанов һәм Илүзә Биктаһирова  "Шәриф Камал премиясе" бәйгесендә катнаштылар һәм  финалист таныклыгы белән бүләкләнделәр.

Укучыларыбыз: Минһаҗева Д.Р., Насифуллина И.Н., Габделхакова И.Р. - "Татар сүзе" дип аталган республика бәйгесендә катнашып, рәхмәт хатына лаек булдылар.

26 нчы гыйнвар көнне "Офык" мәктәптән тыш эшләр узәгендә "Балкыш" район балалар Думасы активистларының утырышы узды. Дума вәкилләре волонтерлык, спорт, мәдәният, экология, масса куләм мәгълүмәт чаралары юнәлешендә булган проект эшләре белән таныштылар. Район балалар Думасының массакүләм мәгълүмәт чаралары министры итеп мәктәбебезнең 8 нче сыйныф укучысы Минһаҗева Диләрә сайланды.

"Сохраним жизнь" декадасы кысаларында мәктәбебездә  класс сәгатьләре узды.