Шәһәребездә «Хокук тәртибе» декадасы һәм «Россия балалары - 2017» Бөтенрәсәй акциясе башланып китте. Әлеге декада кысаларында гимназиябездә бәлигъ булмаганнар белән эшләү инспекторы полиция өлкән лейтенанты Разетдинов Таһир Такиевич белән очрашулар уздырылды. Балалар һәм яшьүсмерләр арасында  тәртип бозуларны кисәтү, килеп туарга мөмкин ситуацияләрдән чыгу юллары, тәртип бозу булган очракта җаваплылыкка тарту һәм каралган җәза турында эчтәлекле әңгәмә оештырылды. 

Соры, яңгырлы көзне бизәп гимназиябездә “Көз гүзәле - 2017” бәйгесе гөрләп узды. Берсеннән берсе чибәр кызлардан, чыннан да, актлар залына җылылык, ниндидер бер нур бөркелде. Һәр гүзәлнең үз җанатары -сыйныфташлары да әлеге җылылыкка тагы да ныграк ялкын өстәде.  Таныштыру, иҗади номер, “Көз гүзәле-2017” образы кебек сынаулардан торган бәйге бер сулышта узды. 

Мәктәпләрдә Татарстан Республикасы конституциясенең 25 еллыгына багышланган “Парламент дәресләре” үтте. Шундый дәресләрнең берсенә Яр Чаллы шәһәре дәүләт педагогия университеты ректоры Фәйрүзә Зөфәр кызы Мостафина да чакырулы иде. Очрашу бик тә эчтәлекле узды. Укучылар үзләрен кызыксындырган күп кенә сорауларга җавап алдылар.

Әле яңа гына шәһәребздә ШТК командалары фестиваль белән үзләренең эшчәнлеген ачып җибәргән иде. Әлеге эстафетаны күрше Түбән Кама шәһәре кабул итеп, үзләрендә фестиваль гөрләтте. Яр Чаллы шәһәреннән кунак команда итеп гимназиябезне иң шаян һәм тапкыр егетләрен дәштеләр. Кунак булып, осталыкларны күрсәтеп, тәҗрибә белән уртаклашырга барган уңайдан егетләребез Гран-при яулап кайттылар. Котлыйбыз! Яңа үрләр, җүңүләр телибез.

Яшь батырлар үзебездә,

Эзләмәгез әллә кайдан.

Тик кирәми аларга дан-

Кирәк мәйдан, киңрәк мәйдан!

Әлеге сүзләр һәм гадәттәгечә Салих Сәйдәшев маршы астында келәмгә яшь көрәшчеләр чыгу белән башланып китте гимназиябездә Ачык шәһәркүләм көрәш турниры. Әйтергә кирәк көрәш буенча узган һәрбер ярыш кызу була. Зур спорт залы әти-әниләрнең, тренерларның һәм җанатарлар тавышыннан шаулап торды. Турнир булгач, җиңүчеләр дә җиңелүчеләр дә бар әлбәттә. Тик яшь көрәшчеләр үзләрен исемнәренә лаеклы тоттылар.

Гимназиябездә ата-аналар белән эшләүнең үзенчәлекле формасы булдырылды. Ул - “Хәят” ата-аналар клубы. 24нче октябрь көнендә әлеге клубның беренче очрашу-җылыешы булып узды. “Тормыш-үз кулларың белән төзегәндә генә матур” исеме астында узучы әлеге кичәне Г. Камал исемендәге Татар дәүләт академия театры аритстлары, халык артистлары: Луара Шакирҗан, Ильдус Габдрахманов, Венера Шакирова бизәде. Кичә бүгенге көндә килеп туган сораулар, артистларыбызның тормышыннан кызыклы истәлекләр шулай ук ата-аналарның концерт номерлары белән үрелеп барды. Искиткеч эчтэлекле, җылы, кызыклы һәм истә калырлык кичә килеп чыкты. Мондый кичәләр айга бер оештырылыр дип планлаштырыла.

Беркемгә дә сер түгел, көз үз матурлыгы белән бер рәттән, күп кенә мәшәкать, эшләр дә алып килә. Аяк астында җай гына кыштырдаучы яфракларга хозурлану белән бергә аларны җыештырып, тирә-якны кышка әзерләп, чистартып калдырасы да бар. Шимбә көнне шәһәркүләм өмәдән гимназиябез укучылары да читтә калмады. Һәр сыйныф үзенә беркетелгән участокта эшләп, ялт иттереп тәртипләп куйды.

          Һәр кешенең күңелендә, яшенә бәйсез рәвештә экиятләргә мәхәббәт яши. Белмим ул нәрсә белән бәйледер, тик балалар өчен куелучы әкият-тамашаларга зурлар да яратып йөри. Шундый тамашаларның берсен безгә дә күрергә туры килде. “Әкият” татар дәүләт курчак театры алып килгән “Әй, шаян Шүрәле” спектакле һәркем күңеленә хуш килде. Тын да алмый, бер сулышта каралган әлеге тамаша ахырында, балалар артистларны алкышларга күмделәр.

Команда "БАТЫР TEAM" успешно выступила на семинаре "Школьные компании. Успешный старт" и  победила в номинации "ЛУЧШАЯ ПРЕЗЕНТАЦИЯ".  Объявляем благодарность учителю истории и обществознания Гибадуллиной Ильмире Ильгамовне за подготовку учащихся. МОЛОДЦЫ!