Бүген Зирекле лицее укучылары юмор остасы,язучы Алмаз Хәмзин һәм "Сабантуй" журналының баш мөхәррире А.М.Гыймадиев белән очраштылар.Төрле сорауларга  дөрес җавап биргән укучылар "Казан"  һәм "Сабантуй" журналлары белән бүләкләнделәр.

4 ноябрь – Халыклар бердәмлеге көне. Бу бәйрәмнең тарихы ерак гасырларга барып тоташа. Ул тынычлык, иминлек, бәйсезлек өчен бердәмлек символын чагылдыра. Әйе, уртак көч булып туплансак, авыр чакта бер-беребезгә ярдәм кулы сузсак, җәмгыятебездәге вакыйгаларга битарафлык күрсәтмәсәк, төрле дин һәм милләт халкына, аларның гореф-гадәтләренә хөрмәт белән карасак, без – көчле халык. 

"Бердәмлектә - көч" дип исемләнгән чарада сүз нәкъ менә шуның турында барды да инде.Авыл мәдәният йорты белән берлектә үткәрелгән чарада укучылар өчен викторина,төрле конкурслар үткәрелде.Чара ахырында укучылар төрле милләт халыкларының уеннарын уйнадылар.

8 -11 нче сыйныф укучылары өчен "Сөмбеләдә - кунакта" исемле сыйныфтан тыш чара уздырылды.Чарада барлык укучылар да  актив катнаштылар,бәйрәмгә багышланган чыгышларын тәкъдим иттеләр.

Бүген лицейда 1-6 нчы сыйныф укучылары өчен көзге Уңыш бәйрәме уздырылды.Бәйрәмчә бизәлгән залда укучылар Сөмбелә бәйрәме турында сөйләделәр,тапкырлыкта - зирәклектә көчләрен сынадылар.Аннан соң һәрбер сыйныф үзе әзерләгән чыгышын күрсәтте.1 нче сыйныфның "Бәхет кайда?" исемле тамашасы,2 нче сыйныфның помидорлар биюе,3-4 нче сыйныфларының игенче һөнәренә дан җырлавы, 5 нче сыйныфның татар халык биюе һәм 6 нчы сыйныфның "Кабак" әкияте һәркемнең күңеленә бик хуш килде.Бәйрәм азагында укучылар бергәләп рәхәтләнеп чәй эчтеләр.

Шушындый исем астында лицейда Әдәмсә,Тубылгытау,Зирекле мәктәбенең 9 нчы сыйныф укучылары өчен очрашу кичәсе уздырылды. Чараны  9 нчы сыйныф укучыларының сыйныф җитәкчесе Сафарова Люция Гомәр кызы алып барды.

Кызыклы  уеннар,тренинглар,сораулар аша укучылар бер - берсе белән якыннанрак таныштылар,үзләрен кызыксындырган сорауларга бергәләп җавап эзләделәр,уйнадылар һәм күңел ачтылар. Чара бергәләп чәй эчү белән тәмамланды.Укучылар рәхмәтләрен белдереп,өйләренә таралыштылар.

Зирекле лицеенда  интернет куркынычсызлыгы буенча

тәрбия сәгатьләре үткәрелде.

Аның төп максаты – балаларга интернет аша янаган куркынычлыклар,  аларның тиз арада  таралуы турында аңлату, әлеге чараларга  каршы көрәш ысуллары белән таныштыру.  Бу башлыча, шәхси мәгълүматларны саклау, интернет мошенниклыклыкның киң  таралган төрләре, автор текстларының, музыкаль һәм кино продукциясенең законсыз күчермәләрен ясауны да үз эченә ала.

Районкүләм баскетбол ярышында лицейның кызлар командасы лаеклы 3 нче урынны яулап кайтты.Афәрин, кызлар! Киләчәктә  тагын да зуррак уңышлар телибез.

Лицейның 8нче һәм  9 нчы сыйныф укучылары Казан шәһәрендә уздырылган республикакүләм  өчкөнлек укуларда катнашып,биология һәм экология юнәлешендә өстәмә белем туплап кайттылар. Әлеге укуларга бары тик район һәм республикакүләм олимпиадаларында җиңү яулаган укучылар гына чакырылган иде.

Ученик 10 класса Кадыров Булат за высокие результаты в изучении предмета химии награжден премией имени Почетного химика СССР, Лауреата премии Совета Министров СССР, Государственной премии ТАССР, доктора технических  наук,профессора Габутдинова Малика Салиховича.

Нәкъ шундый  теләкләр белән укучылар үзләренең укытучыларын мәктәптә каршы алдылар.Барлык сыйныф укучылары катнашында уздырылган бәйрәм концерты һәрбер укытучының күңеленә хуш килде.Бу көн Өлкән укучылар өчен үзидарә көне буларак үтте.