Наша ученица 8 класса Галимова Рузиля – призер Международной олимпиады по русскому языку для учащихся школ с родным (нерусским) языком обучения. Поздравляем ученицу Галимову Рузилю и её учителя Разяпову Рамзию Гарифовну!

Республиканское родительское интернет-собрание

С участием Министерства образования и науки РТ Бурганова Р.Т

10:30-12:00   8 июня 2018 года

«Каникулы с пользой»

(Об организации летнего отдыха и развитии детей в летний период)

online-трансляция на сайте киу.рф

Задайте свой вопрос по адресу: roditelirt@mail.ru

   1 нче июньнән мәктәбебездә "Елмаю" ("Улыбка") дип исемләнгән мәктәп яны лагере үзенең эшен башлады. Лагерьда 35 бала ял итә. Балалар белән эш махсус төзелгән план нигезендә алып барыла, кызыклы экскурсияләр, күңел ачу чаралары, спорт һәм хәрәкәтләндерүче уеннар оештырыла. Гомумән, лагерьда ял итүчеләргә күңелле дә, рәхәт тә.

   Быел мәктәбебезнең 13 укучысы 9 нчы сыйныфны, 6 укучысы 11 нче сыйныфны тәмамлый. 24 нче май көнне чыгарылыш сыйныф укучылары өчен кыңгырау соңгы тапкыр чыңлады. Аларны мәктәп директоры Галеева Лилия Гаязовна, Яңа Иглай авыл җирлеге башлыгы Ханяфиев Илнур Харисович, сыйныф җитәкчеләре Бикинеева Алсу Шамиловна һәм Разяпова Рәмзия Гарифовна, беренче укытучылары Габдуллина Фаилә Минсафовна һәм Шафикова Гөлфия Самигулловна, әти-әниләре һәм килгән кунаклар бәйрәм белән котладылар, имтиханнарда һәм алдагы тормышларында уңышлар теләделәр, грамоталар һәм бүләкләр тапшырдылар. Укучылар да җавапсыз калмадылар – алар матур җырлар башкардылар, барысына да рәхмәт белдерделәр. Ахырдан барысы да истәлеккә фотога төштеләр.

   12 нче май көнне мәктәбебез базасында якташыбыз, танылган футболчы Галимҗан Хөсәенов истәлегенә традицион футбол турниры үтте. Быел турнирда 10 команда катнашты. Мәктәбебезнең футбол командасы быел да беренчелекне берәүгә дә бирмәде. Икенче урынны – Якушкино, өченче урынны Егоркино командалары яулады. Турнирның иң яхшы уенчысы дип Яңа Иглай урта мәктәбе укучысы Рәсүл Маняпов, иң яхшы сакчысы дип Егоркино урта мәктәбе укучысы Виктор Мандрейкин, иң яхшы капкачысы дип Якушкино урта мәктәбе укучысы Никита Федоров табылды. 

   10 нче май көнне Нурлат гимназиясендә сәләтле балалар слёты узды. Анда фән олимпиадаларында, фәнни-гамәли конференцияләрдә җиңүчеләрне һәм аларның остазлары - педагогларны котладылар. Мәктәбебезнең 5 нче сыйныф укучысы Валитов Ислан да бу чарада катнашып, Мактау грамотасына һәм истәлекле бүләккә ия булды.

   9 нчы май көнне укучыларыбыз "Ул көннәрнең даны мәңгелек!" дип исемләнгән әдәби-музыкаль монтаж куйдылар. Мәктәп укучылары ветераннарны котладылар, алар хөрмәтенә концерт күрсәттеләр. Быелгы бәйрәмгә тыл ветераннары белән бергә сугыш чоры балалары да чакырылды. Аларны Яңа Иглай авыл җирлеге башлыгы Ханяфиев Илнур Харис улы чын күңелдән бәйрәм белән котлады. Сүз шулай ук район мәгариф идарәсе җитәкчесенә дә бирелде. Маняпов Линар Нурислам улы да бәйрәмгә килгәннәрне Җиңү көне белән тәбрикләде. Киләчәктә дә аларга сәламәтлек, озын гомер теләде. Бәйрәм мәктәптә чәй өстәле артында дәвам итте. Бәйрәмгә килгән һәрбер кеше дә митингтан һәм чәй табыныннан бик канәгать булып киттеләр. 

    5 нче май көнне район мәктәпләрендә белем алучы кызлар командалары арасында Яшьләр эшләре һәм спорт бүлеге кубогына беренче тапкыр футбол ярышлары үтте. Мәгариф бүлеге белән берлектә оештырылган ярышларда шәһәр һәм авыл мәктәпләреннән 11 кызлар командасы катнашты. Беренче турнирда җиңүне шәһәрнең 8 нче номерлы мәктәбе яулады. Икенче урынга – Каравыл Тавы мәктәбе командасы, өченче урынга – мәктәбебез командалары лаек булды. Кызларыбызны уңышлары белән котлыйбыз!

16 нчы март көнне мәктәбебезнең 3-4 нче сыйныф укучылары Иске Чаллы урта мәктәбендә үткәрелгән “Тизрәк! Биегрәк! Көчлерәк!” дип исемләнгән спорт уеннарының куст этабында катнашып, 3 нче урынга лаек булдылар.

“Язгы мәрхәмәтлелек атнасы – мәрхәмәтле эшләр эстафетасы #Мәрхәмәтле Татарстан” акциясе кысаларында мәктәбебездә 13 нче март көнне баллы ярминкә үтте. Укучылар, укытучылар бу чарада бик теләп катнаштылар. Ярминкәдән җыелган керем мәрхәмәтле эшләргә тотылачак.