Мәктәп укучылары «Бәхетле балачак» дип исемләнгән асфальт рәсемнәре конкурсында көчләрен сынап карадылар. Балаларның фантазиясе шаккатмалы! Нинди генә рәсемнәр, әкият геройлары ясамадылар алар. Конкурста урыннар түбәндәге номинацияләрдә билгеләнде: Татарстан Республикасында Су саклагыч зоналар елы, Габдулла Тукайның тууына 131 ел, Юл йөрү кагыйдәләрен бел һәм үтә номинацияләре.Барлык җиңүчеләргә дә грамоталар һәм бүләкләр тапшырылды.

Бүген без Россия көненә багышланган “Мин Россиядә яшим» темасына сәяхәт-викторина үткәрдек. станцияне уздылар.Викторинада илебез тарихы буенча сорауларга җавап бирергә кирәк иде. Белемнәрен тикшерү белән бергә, балалар Россия тарихы, аның күренекле шәхесләре турында күп мәгълүматлар да алдылар.Илебез күге һәрчак тыныч,аяз булсын иде.Бәйрәм белән.

12 июнь - Россия көне уңаеннан  "Ялкын" ял һәм хезмәт лагерында тәрбия сәгатьләре,викторина,рәсемнәр  конкурслары үткәрелде.

  Укучыларга янгын куркынычсызлыгы кагыйдәләрен, утның җылылык һәм яктылык чыганагы гына түгел, саксыз эш иткән очракта күп бәлә-казаларга сәбәпче булуын,янгынның зур фаҗига икәнен, ут һәм көнкүреш приборлары белән сак, дөрес эш итәргә кирәклеге турында янгын сүндерүче Гайнуллин Ринат абыйлары сөйләде.Мустафин Надир янгын сүндерүче киемен киеп карады.Бу экскурсия дә балаларга бик тә ошады.

Балаларны мәчеткә экскурсиягә алып бардык. Анда балалар   догалар, бәетләр, мөнәҗәтләр,вәгазьләр тыңладылар.

Бүген без  «Күңелле стартлар» спорт чарасы үткәрдек.   
Эстафета формасында уйналган бу ярыш зур җанлылык белән үтте, чөнки мондый ярышларда аерым катнашучының уңышы команданы җиңүгә алып чыкканын һәркем белә. Командалар ярышы дуслык җиңүе белән төгәлләнде.

Экология елына карата үткәрелгән викторинада балалар актив катнаштылар.

Көннең беренче яртысында шашка турниры үткәрдек.Җиңүгә - Мингазова Сөмбел лаек булды.