Әбиемнең серле сандыгы!

Нинди серләр саклый икән ул?

Гомер буе җыйган хәзинәме,

Әллә инде күңел бизәгеме.

Нинди серләр саклый микән ул?

Нәни дусларым.

Чырык-чырык килеп янда

Чыпчыклар серләшәләр.

Җим сипсәнә, диеп миңа

Әйтерсең эндәшәләр.

Кулымдагы икмәгемне

Бүлешәм алар белән.

Канатларын җилпи-җилпи

Рәхмәт әйтәләр,беләм.

9 нчы декабрь көнне безнең балалар бакчасында "Юл хәрәкәте иминлеге" дәүләт бюджет оешмасының Саба бүлеге җитәкчесе Ягафарова Г.Н. кунакта булып китте. Балалар  шигырьләр  сөйләп, җырлар җырлап, төрле - төрле рәсемнәр ясап күрсәттеләр. Очрашу бик тә кызыклы һәм файдалы үтте. Соңыннан балаларга  һәм групппага истәлекле бүләкләр тапшырылды.

Бүген - әниләр көне.

Бүген җирдә тантана.

Кояш шуңа көлә бүген,

Гөлләр шуңа шатлана.

Әниләрнең көненә

Куана шулай алар.

Әниләрне котлый бүген

Жирдә барлык балалар.

Атна темасы буенча , без балалар белән ,юл кагыйдәләре һәм транспорт төрләре белән таныштык.

Бөтенроссия "Бала хокукларын саклау" акциясендә катнаштык.

Кар.кар, кар ява,

Бураннарны туздыра.

Кулларга төшеп эри,

Үзе бик тиз туңдыра.

Йомшак карны алабыз,

Аннан шарлар ясыйбыз.

Кар атышып уйныйбыз,

Бик күңелле яшибез.

Тәгәрәтеп ак карны,

Ясадык кар бабайны.

Куйдык кишердән борын,

Ясадык ике кулын.

Күзләре - кара күмер.

Дидек: "Син урам себер!"

Зур себерке тоттырдык,

Көлешеп карап тордык.

Кисеп ябыштыру шөгылендә балалар татар орнаментларын кулланып ,алъяпкыч бизәделәр.