Кадерле мәктәп коллективы! Сезне Халыклар бердәмлеге көне һәм Татарстан Республикасы Конституциясе көне белән чын күңелдән тәбрик итәбез! Һәммәгезгә дә бәхет һәм иминлек, сәламәтлек, оптимизм, ныклык,тынычлык һәм теләктәшлек телибез!

2нче ноябрь көнне 5-8 нче сыйныф укучылары Лесхоз бистәсенең “Нарат” боз сараена бардылар. Алар рәхәтләнеп тимераякта шудылар. Гомумән, бүгенге көн бик күңелле, шул ук вакытта файдалы да үтте.

Кызлар арасында үткәрелгән "Мин - Мастер" конкурсының "Иң оригиналь эш" номинациясендә 8нче сыйныф укучысы Нургалиева Лилия (җитәкчесе ХәбибрахмановаГ.Ш.)җиңү яулады. Җиңүегез белән котлыйбыз!

31нче октябрь һәм 1нче ноябрь көннәрендә 9нчы сыйныф укучылары математика һәм рус теле фәннәреннән пробный ОГЭ бирәләр. Аларга уңышлар телибез!

31нче октябрьдән мәктәпләрдә көзге каникуллар башланды. Укучыларыбыз аны файдалы һәм күңелле итеп үткәрерләр дип ышанып калабыз.

29 нчы октябрь көнне мәктәбебездә интернет челтәрендә куркынычсызлык буенча бердәм дәрес үтте. Информатика укытучысы Гайбадуллин И.Б. балалар белән дәресләр оештырды. Интернет челтәре аша мәгълүмат эзләргә туры килгәндә, социаль челтәрләрдә теркәлү үткәннән соң да, балалар куркынычсызлык турында онытмасыннар иде, үзләрен глобаль челтәрдә әдәпле тотсыннар иде.

Бүген 1нче чирек нәтиҗәләре буенча әти-әниләр җыелышы үткәрелде. Җыелышта ГайсинаГ.Я. "Укучының сәламәтлеге" темасына чыгыш ясады. Мәктәп директоры Гөлнур Вакыйф кызы, укыту эшләре буенча директор урынбасары Ландыш Альберт кызы әти-әниләрне чирек нәтиҗәләре, алда торган мәсьәләләр белән таныштырды. Җыелышның икенче өлеше классларда дәвам итте.

Ай саен отрядларда сборлар үткәрелә. "Тамчы"отрядында "Минем хокукларым, минем бурычларым"темасына җыен үткәрелде. Укучылар үзләренә файдалы мәгълүматлар алдылар.

Бүген 3 сыйныфта "Мәрхәмәт елмаюдан башлана" исемле

ачык тәрбия сәгате булып узды.

Бүген 4 һәм 6 нчы сыйныф укучылары сугыш чоры балалары Әхтәм һәм Гамбәр апаларда булдылар. Алар өй эшләрендә булыштылар.Әхтәм абый,Гамбәр апа балаларның килүенә бик шат булдылар. Акция дәвам итә.