4 ноябрь – Бердәмлек көне. “Бердәмлек “ төшенчәсе туплану, берләштерү мәгънәсенә ия. Элек – электән  безнең татар халкына хас сыйфат бу. Нәкъ менә бердәмлек, татулык күп кенә авырлыкларны җиңеп чыгарга, дошманнарны җиңәргә мөмкинлек биргән.Нәкъ менә шушы бердәмлек безнең илебезнең тынычлыгына, мөстәкыйльлегенә китергән. Бүгенге эшчэнлегебездә бердәмлек көненә һәм 6 -  ноябрь Татарстан Конституция көненә багышлана.

Рәсәй минем туган илемдә. Бердәм тату яшибез без. Балалар белән "4 ноябрь -  бердәмлек көне" уңаеннан  Рәсәй иленең әләмен, туграсын яңадан бер кат искә төшереп төзедек һәм әләмне рәсемгә төшердек. 

Татар халык бизәкләрен кулланып татар милли киеме алъяпкыч һәм читек бизибез. 

Математика эшчәнлегендә агачларның яфраклары ярдәмендә 5 санының составын өйрәндек.

Физкультура эшчәнлегендә пингвиннар кебек сикерергә өйрәндек.

Рәсем эшчәнлегендә татар халык милли киеме түбәтәйне бизәдек.

Бүген бакчабызга фельдшер Рушания апа килде һәм балаларга грипп вакытында ничек сакланырга, уз-үзеңне чиста йөртергә өндәде.

Математика эшчәнлегендә геометрик фигура төрләрен өйрәндек һәм квадратның якларын,почмакларын кабатладык.

Сәламәт тәндә - сәламәт акыл.