Рәсем эшчәнлегендә Рәсәй әләме белән таныштык һәм рәсемгә төшердек.

Әйләнә-тирә белән танышу эшчәнлегендә туган як турында сөйләшүне дәвам иттек һәм. "Су анасы" уенын уйнадык , ТР әләмен төзедек.

Кисеп ябыштыру эшчәнлегендә Татарстанда туган ягыбыздагы кошларны кисеп ябыштырдык. Кошлар турында белемнәрне ныгыттык. 

Бүген Инзиләнең туган көне. Аңа 5 яшь тулды. Балалар Инзиләгә теләкләр теләделәр һәм "Ак калач" җырын җырладылар. Инзилә үзенең сөенече белән уртаклашып балаларга бүләкләр өләште.

Математика эшчәнлегендә балалар белән өчпочмаклыклар һәм дүртпочмаклыкларны танырга өйрәндек.

Бүген бакчабызда кадерле әбиләребезне бәйрәм белән котларга дип, бакчабызга чакырдык. Балалар әбиләренә матур шигырьләрен сөйләделәр һәм җырлар җырладылар.

Ак яулыклы көләч йөзле,

Шат күңелле, әйбәт тә.

Кем ул, диеп сорасагыз –

Минем әби, әлбәттә.

Әбиләребез белән уеннарда уйнадык.

Бәйрәмебезне чәй табыны артында төгәлләдек.

Бәйрәмегез котлы булсын кадерле әбиләребез.