Бүгенге максатыбыз балаларны сүрәтләү сәнгатенең пейзаж жанры һәм аның төрләре белән таныштыруны дәвам итү. Балаларда галәм киңлекләре һәм күк җисемнәре турында күзаллау булдыру өчен, аларны бергәләп кәгазь битендә ясау. Безне чолгап алган дөнья киңлекләре белән кызыксыну тәрбияләү.Балаларны сюжетлы рәсемнәр белән таныштыруны дәвам итү, эчтәлеген уйлап, эшне планлаштырырга өйрәтү. Галәмне, йолдызларны,  ракетаны ясаганда төсләрне дөрес сайлап, бөтен биткә ясарга өйрәтү булып торды.

Кечкенәләр белән ракета кисеп ябыштырабыз. 

Саф һавага чыккач кечкенә көрәкләребезне алып уен мәйданчыгыбызны кардан чистарттык. 

Юл йөрү кагыйдәләрен өйрәнү максатыннан балалар белән  кисеп ябыштыру эшчәнлегендә шәһәр транспорты трамвай ясадык. Квадрат һәм турыпочмаклык почмакларын түгәрәкләп кисү, тар кәгазь тасмалар кисеп алу күнекмәләрен ныгыттык. 

Юл йөрү кагыйдәләрен өйрәнү максатыннан кечкенәләр белән светофорның төсләрен өйрәндек һәм светофорны рәсемгә төшердек. 

Мәктәп яшендәге балалар үзләренең әтиләре, бабайлары, абыйлары ярдәме белән  сыерчык ояларын ясап  алып килделәр. Аларны тиздән агачларга элеп куясы гына калды. 

Балалар белән мини-парникка кыяр орлыкларын утырттык. Балалар белән туфракның ниндилеген һәм су сипкәч туфрак нишләвен күзәттек. 

Рус теле эшчәнлегендә "Весна" темасын  өйрәнүне дәвам иттек һәм боз сөнгесе белән эксперимент үткәрдек. Ул нинди? соравына бик күп төрле җаваплар таптык.

Янгын куркынычсызлыгы атнасы дәвам итә.