Без бүген үзебезнең бакчада эшләп чыккан өлкәннәрне кунакка чакырдык. Аларны чакырып корьән уку мәҗлесе үткәрү безнең традициябез. Бу бәйрәмнән кунакларның, бакчабызның йөзе нурлана, күңелләргә җылылык өстәлә. Балаларыбыз алдында зур тәрбияви чара да булып тора. Бәйрәм белән Сезне, кадерле өлкәннәребез!

Бакчабыз чисталыгына

Безнең дә өлеш керә.

Чисталык ул- сәламәтлек,

Моны һәр бала белә.

Балаларга өйдә әти- әниләр белән яфраклардан композицияләр ясап алып килергә кушылган иде. Нинди генә матур эшләр юк анда. Бик зур рәхмәт сезгә, балалар һәм әти- әниләр!

Үзебез үстергән виноград белән рәхәтләнеп сыйландык

Әйләнә- тирәбездәге матурлыкны күрә һәм саклый белергә өйрәтү максатыннан "Яшеллеккә күмелгән туган илем" дигән темага әңгәмә үткәрелде һәм рәсем ясалды.

Быел чәчәкләребез бик матур булды. Киләсе елга утырту өчен күп итеп чәчәк орлыгы җыеп куйдый.

Август киңәшмәсендә үткәрелгән күргәзмәдә безнең балалар бакчасы беренче урынны алды. Район мәгариф бүлегенең мактау грамотасы һәм акчалата премия белән бүләкләндек. Молодцы, кызлар!

Гади катыргыдан да нинди могҗизалар тудырып була

Апалар безне өйрәтә

Чәчәкләрне сөяргә.

Исемнәре белән дәшеп

"Матурларым" дияргә.