Г.Тукайның туган көне уңаеннан авыл мәдәният йорты хезмәткәрләре безгә кунакка килделәр. Алар үзләре белән бөек шагыйребезнең әсәрләренә багышлап ясалган кул эшләре, мультфильмнар алып килделәр.

Авыл мәдәният йорты җитәкчесе Ринат абый безне гел сөендереп тора. Әле күптән түгел генә ул безгә "Бәләкәй динозавр" дип исемләнгән мультфильм күрсәтте.Ә менә бүген фетрдан үз куллары белән кисеп ясаган хәрефләр, саннар алып килде. Рәхмәт аңа!

Сөенгәндә -әни кирәк, 

Әни кирәк йокларга.

Әни кирәк, бишек бавын,

Ычкындырмый тотарга!

Елаганда -әни кирәк, 

Юатырга бәбиен,

Һәрвакыт син миңа кирәк,

Исән булсын ӘНИЕМ!!!

Бүген без бакчабызда зур кунакларны кабул иттек. Юл йөрү кагыйдәләрен өйрәнү темасын  үз эченә алган элеге бәйрәм уңышлы килеп чыкты. Әлеге теманы пропагандалаучы Закиров Д.Д. абыебыз безгә истәлекле бүләкләр алып килде, юлда, төрле очракта үз-үзеңне тотарга өйрәтте, юл билгеләренең төрлелеге турында әңгәмә оештырды. Кечкенәләр төркеменә дә бу чара бик ошады, чөнки инспектор абыйлары алып килгән  "Аркадий Паровозов" мультфильмы аларның күңелендә шатлык хисләре уятты.

Бүген халкыбызның бөек шагыйре Муса Җәлилнен туган көне. Илебезне явыз дошманнардан саклау өчен гомерен дә җәлләмәгән батырыбызга багышлап "Мәңгелек дан, сиңа, Муса Җәлил!" дип исемләнгән чара уздырдык. Авыл китапханәчесе Фәридә апа Нафикова безнең бакчага килеп әдипнең әсәрләрен укыды, китаплары белән балаларны таныштырды. Бакчабызда М.Җәлилгә багышланган күргәмә, аның әсәрләре буенча ясалган рәсемнәр күргәзмәсе оештырылды, "Кызыл ромашка" әсәрен сәхнәләштерелде.