Бүген минем туган көн.

Булсын иде ул һәркөн!

Матур бүләк алып килде,

Мине котларга һәркем.

Чәчәккә күмелгән тугайлар,

Майның бу көннәрендә.

Болынның иң матур җиренә,

Килегез сез, безне күрергә!

Шатланып уйныйбыз, көләбез!

Апалар, дуслар да янәшә.

Зәңгәрсу һавада иркенләп 

Кояш та үз нурын өләшә.

Яз сулышы белән бергә

Бәйрәм йөри, авыл буйлап.

Күрше Сәрби әби генә

Яшен сөртә, авыр сулап.

Мин чәчәкләр җыям аңа,

Бүлмәсенә ямь тулсын.

Җиңү белән бергә илгә

Улы кайткан кебек булсын...

Резеда Вәлиева

Без тыныч тормышта яшәвебез өчен Ватаныбызны фашист тозагыннан азат иткән Ветераннарыбыз алдында бурычлы! Бөек Җиңү бәйрәмен онытмыйча, яңа буынга җиткерү - безнең төп максат һәм бурычыбыз! Ватанны саклау өчен үзләренең гомерләрен җ әлләмичә сугышкан сакчылар алдында без баш иябез! Рәхмәт Сезгә, Ветераннар!!!

Авыл китапханәчесе Фәридә апа Г.Тукай китапларын, рәсемнәр алып безгә кунакка килде. Балаларга кызыклы викторина сораулары бирде, әдипнең сакланып калган шәхси 4 әйберенең рәсемнәрен күрсәтте.

Бакчабызда зона семинары булып узды. Килгән кунакларыбызны мөдир Рәмзия Нурисламовна бакча тарихы, традицияләре, яшәеше белән таныштырды. Тәрбиячебез Елена Николаевна "Галәмгә сәяхәт" дип исемләнгән шөгыль уздырды, "Канзаши" техникасы белән ясала торган чәчәккә мастер класс үткәрде. Шөгыль вакытында балалар татар, рус , инглиз телләрен яхшы үзләштергәнлекләрен күрсәттеләр. Инглиз теле укытучысы Алинә Илфатовна  балалар белән инглиз телендә "Шалкан" әкиятен сәхнәләштерде. Тәрбиячеләр шөгыльгә анализ ясады, фикер алышты.  Районнан килгән кунагыбыз Эльвира Фаритовна эшчәнлеккә карата үз фикерен белдерде, район, республика күләмендә үткәрелә торган конкурсларда актив катнашырга чакырды.Әлеге семинар безнең өчен бик зур чара булды, үз эшебезгә бәя куярга. тагын да тырышыбрак эшләргә старт бирде.