Бу атна "Кышкы күңел ачулар. Балаларның кышкы уеннары." темасы астында узды. Балалар каникулда әти-әниләре, дуслары белән ничек күңел ачуларын, кайларга баруларын сөйләделәр, картиналар буенча "Кышкы уеннар. Кышкы спорт төрләре" турында хикәя төзеп сөйләделәр. Рәсем ясап, гуашь белән буядылар. Ә әвәләү шөгылендә "Кышкы уеннар" темасына бергәләп әвәләделәр.

Зурлар төркеме балалары бүген Чыршы белән саубуллашты: Чыршы тирәли матур җырлар җырлап әйләнделәр, биюләр башкардылар, Кыш Бабайга һәм Кар Кызына сөйләгән шигырьләрен сөйләделәр.

Бүген 12 январь 2017 елда Лесхоз "Ляйсан" балалар бакчасының уртанчылар төркеме балалары рус теле шөгылендә "Минем өем" дигән темада кунакка килгән Машаның гаиләсе белән таныштылар, ә "Ак калач" уенын төркемдәге Алисәнең туган көне уңаеннан аңа атап уйнадылар.
 Сегодня 12 января 2017 года в Лесхозском детском саду "Ляйсан" дети средней группы на занятии русского языка прошли тему "Мой дом". Они сначала познакомились с членами семьи Маши, а позже отметили день рождения Алисы сыграв "Каравай" .

Балалар рәсем ясарга бик тә яраталар. Бүген дә, каникулда урамда уйнаган уеннары турында кызыклы әңгәмәдән соң, балалар кызыксынып рәсем ясадылар.

Зурлар төркемендә могҗизалы, тылсымлы Яңа ел бәйрәме узды. Балалар Кыш Бабайны һәм Кар Кызын шигырьләр, җырлар, биюләр өйрәнеп көттеләр. Балалар "Мактанчык Куян" әкиятен яратып уйнадылар. Әти-әниләрнең дә балаларга бүләге бар иде - алар "Батыр Әтәч" әкиятен яңача уйнап күрсәттеләр. Кыш Бабай балаларны күчтәнәчләр белән шатландырды.