Бакчабызда юл йөрү кагыйдәләре буенча мавыктыргыч һәм файдалы чара үткәрелде. Балалар юл йөрү хәрәкәте кагыйдәләре , юл билгеләре, светофор сигналлары, урамда һәм юлда үз- үзеңне тоту кагыйдәләре буенча белемнәрен ныгыттылар. Светофор белән кызыклы уеннар уйнадылыр. Чара юл йөрү кагыйдәләре турында шигырьләр, җырлар белән урелеп алып барылды.  Шулай ук бәйрәмдә Саба районы ЮХИДИ хезмәткәре Ягаффарова Гүзәл Назифовна катнашты. Ул балаларга юлда үз-үзеңне тоту кагыйдәләре турында сөйләде, кызыклы сораулар бирде. Имин юллар теләп бүләкләр тапшырды.

ЮХИДИ хезмәткәре Гүзәл Назифовна бакчабызда тәрбияләнүче Мубараков Илданга грамота һәм истәлекле бүләк тапшырды. Ул район күләмендә оештырылган   иң яхшы яңа ел уенчыгы "Символ году на посту" (юл йөрү кагыйдәләре буенча) конкурсында катнашып 3 урынга лаек булды. Чын күңелдән котлыйбыз.

Әвәләү эшчәнлегендә балалар белән спорт, аның төрләре турында әңгәмә үткәрелде һәм алар яраткан спорт төрләрен пластилиннан әвәләделәр.

Балалар һәр көн кошларга азык салып торалар.Саф һавага чыккач та,без балалар белән кошларның ничек ашаганнарын күзәтеп торабыз һәм һәр вакыт шундый кагыйдә кабатлыйбыз: әгәр кошларны күзәтәсең килсә,үзеңне тыныч тот,кычкырып сөйләшмә,якын килмә.

Алланып таңнарның алына,

Нык булып кешелек таңына,

Җыр булып үрелеп күңелгә,

Кил безгә, Яңа ел, кил безгә.

Кояшлы көннәрнең җылысын,

Бәхетнең, шатлыкның олысын

Күтәреп көннәрнең иңенә,

Рәхим ит Туган ил түренә.

24 декабрь бакчабызда "Хуш киләсең, Яңа ел" дип исемләнгән бәйрәм иртәсе булып узды. Бәйрәмебез "Тегүче куян" дип исемләнгән әкият белән башланып китте. Кунакка Кыш бабай белән Кар кызы да килде. Балалар  аларга үзләренең өйрәнгән шигырьләрен, биюләрен, җырларын бүләк иттеләр.  Рәхәтләнеп уйнадылар, күңел ачтылар.