29нчы гыйнвар көнне югары сыйныф укучылары Казан шәһәренә экскурсиягә бардылар. Укучылар Милли музейда булдылар, Г.Камал исемендәге академия театрында Туфан Миңнуллинның “Гөргөри кияүләре” комедиясен карадылар. Укучылар сәяхәттән канәгать калдылар, рәхәтләнеп ял иттеләр.

Укучылар район күләмендә үткәрелгән төрле  бәйгеләрдә катнашуны дәвам итәләр.  “Авылым: бүген һәм иртәгә” конкурсында инша язу буенча Миннебаев Назиф грамотага лаек булды, “Дулкыннар”   конкурсының “Нәфис сүз” номинациясендә Кадыйрова Фирүзә уңышлы чыгыш ясады.

Мәктәп күләмендә "Президентские состязания" булып узды.

22 нче гыйнвар көнне Иске Мичән авылы укучылар ялгыз яшәүче Әлфия әбигә барып булышып кайттылар.  

Яңа Мичән авылы укучылары 22 нче гыйнвар көнне Тәгъзимә әбигә ярдәм иттеләр. Карларын чистарттылар, өйләрен тыештырдылар.

17нче гыйнвар көнне Иске Мичән һәм Керәнне авылы укучылары ялгыз әбиләрне кардан чистартылар. 

Динамик пауза вакытында вожатыйлар үзләренә беркетелгән отрядлар белән күңелле уеннар оештырдылар.

Экология түгәрәгенә йөрүче балалар Сабага экскурсиягә бардылар. Алар анда музейда булдылар, сыннар карадылар, рәхәтләнеп тау шудылар.

Бүген мәктәп күләмендә, барлык классларда да "Урок чистоты" га багышланган тәрбия сәгатләре уздырылды.

Каникулның соңгы көне итеп 6 һәм 7 класслар бассейнга бардылар. Рәхәтләнеп йөзеп, өченче  уку чирегенә көч тупладылар.