Балалар белән даими әңгәмәләр уздырабыз. Чит кешеләр янына бармаска, урамда таныш булмаган пакет-сумкалар күргәндә ашыгыч рәвештә зурларга хәбәр итәргә кирәклеген төшендереп торабыз. Өлкәннәр өйдә булмаганда ишекне ачмаска, телефоннан чит кешеләргә җавап бирмәскә икәнлеген аңлатабыз.

"Пешеход" профилактик меропритие чарасы нигезендә, балалар белән  "Чәчкә" бакчасы каршында куелган юл билгеләре янына чыктык. Балалар нинди юл билгеләре барын әйттеләр. Кайсы очракта ничек юл аша чыгасын күрсәттеләр. Балаларның юл билгеләрен төгәл үтәүләре сөендерде.

Әлеге атна "Тормыш иминлеге нигезләре" темасы кысаларында узды. Балалар белән янгын куркынычсызлыгы, юллардагы тайгалак, елгаларда юка боз катламы барлыкка килүе һәм бакчадан кайтканда караңгы булу сәбәпле, яктырткыч элементлар кирәклеге буенча әңгәмә алып барылды. Зурлар төркеме балалары әлеге темаларга рәсемнәр дә ясадылар. 

Алтын көз бәйрәмен балалар көтеп алдылар. Бәйрәмдә җырладык, биедек, шигырьләр сөйләдек, төрле уеннар уйнадык. Күңелле узган кичәдән балалар бүләкләр алып, шатланып таралыштылар.

"Икмәк- яшәү терәге" атнасында йомгаклау чарасына тозлы камырдан ризыклар күргәзмәсе үткәрдек. Әти- әниләр балалар белән бергәләп бик тырышканнар, өстәлдә нинди генә ризыклар юк иде.Әлбәттә табын түрендә күпереп пешкән күмәч урын алды. Балаларга иң ошаганы ахырдан  шул күмәч белән сыйлану булды. 

Балалар белән әкияттәге тылсымлы кошны ясадык. Сихри кошны бизәү аларга бик ошады. Әкиятне сөйли-сөйли эшләделәр.

"Агач утырт" акциясе кысаларында бакчабызга декоратив һәм җимеш агачлары утырттык.

Саф һавага чыккач, миләш агачын күзәттек. Көз көне миләш уңыш биргән вакытта бигрәк матур була. Аның җимешләренең файдасы турында балаларга аңлаттык.

Бүген "Кросс нации-2021" көне билгеләп үтелде. Балаларны яшьләренә карап, төркемнәргә бүлеп ярыштырдык. Бер бала да бүләксез калмады.