PEDUSPEH – педогогик осталык  бөтенроссия үзәге сайтында, мәктәпкәчә белем бирү учрежденияләре тәрбиячеләре һәм педогогларының  осталыкларын ачыклау максатыннан үткәрелгән, “Современный воспитатель- 2014” бөтенроссия  конкурсында безнең тәрбиячеләр дә катнашты. “Сценарий праздника” номинациясендә “Балалар дусты ул- Муса Җәлил” конкурс эше белән   , Иләбәр “Умырзая ” балалар бакчасы тәрбиячесе Зарипова Дамира Данировна  сертификатка ия булды.

Халыкара су белән тәэмин итү ассоцияциясе тәкъдиме белән 1993 нче елда ЮНЕСКО ел саен 22 нче мартта Бөтендөнья су көне үткәрү турында карар кабул итте. Су көненең максаты- җәмәгатьчелекнең , халыкның, хакимиятнең игътибарын  су чыганаклары һәм объектларына  җәлеп итү. Сулыкларны саклау,  чистарту, чишмәләрне  тәрбияләп тору- барыбызның да бурычы.  Бу чаралардан мәктәпкәчә яшьтәге балалар да читтә түгел. Җәйге чорда тәрбиячеләре белән берлектә, елга-күлләрне өйрәнеп, күзәтү ясасалар, кышкы чорда суның үзлекләре- аның сыеклык, боз һәм пар хәлендә булуын күзәтеп, нәтиҗәләр ясадылар.  Агымдагы атна да балалар бакчасында  “Су- яшәү чыганагы” атналыгы буларак үтте. Атналыкны йомгаклау чарасында , балалар, болыт һәм яңгыр ничек барлыкка килүен тәҗрибә үткәреп өйрәнделәр.  Моның өчен аларга кайнар су салынган банка, калай капкач һәм боз кисәкләре кирәк иде. Боз белән капланган банка эчендә җыелган болыт һәм яңгыр тамчыларын балалар үз күзләре белән күрделәр.

Сез дә ясап карагыз!

Татар халкының милли хәзинәләрен, әби- бабайларыбызның борынгы киемнәрен, эш коралларын, йорт җиһазларын балаларга кечкенәдән үк күрсәтергә ; аларның ничек һәм нинди шартларда яшәгәнлекләрен аңлатырга кирәк. "Үткәнен белмәгәннең- киләчәге юк"- ди бит татар халык мәкале дә. Агымдагы атна балалар бакчасында "Әбиемнең серле сандыгы" исеме астында үтте. Атналыкны тәмамлап, Иләбәр авылы китапханәсе белән берлектә , "Сөйлә әле, әбием!" кичәсе үткәрелде. Китапханә мөдире Вәсилә Галиева , балаларны, музей почмагындагы экспонатлар- борынгы утюг, лампалар , киемнәр, эш кораллары һәм башка күп төрле әйберләр белән таныштырды. Хәзер инде сандык төпләрендә генә саклана торган сөлгеләр, киемнәр хакында сөйләде.

23 нче февраль һәм 8 март бәйрәмнәрен берләштереп , балалар бакчасында бүген гаилә бәйрәмен үткәрдек. Бәйрәм балаларның биләүгә төргән сабыйларны бишек җырына тирбәтеп йоклатуларын сәхнәләштереп башланып китте. Үз куллары белән ясаган бүләкләрне әти- әниләренә тапшырганнан сон, нәниләр концерт номерларын бүләк итте.Өлкәннәр төркеменә йөрүче балаларның "татар халык биюен", кечкенәләрнең "матрёшкалар" , уртанчыларның заманча биюен әти- әниләр сокланып карап утырды. Салихова Гөлфинә, Дәүләтшина Диананың җырларын алкышларга күмделәр. Бәйрәмнең икенче өлешендә ата-аналар белән ярышлар үткәрелде. Безнең әти- әниләр табышмак, мәкальләрне дә яхшы белә, җыр- биюгә дә оста икән. Кыскасы, һәр кеше бәйрәмнән күңел күтәренкелеге белән таралды.

Әти-әниләр балалардан бер дә калышмадылар!

Бу атнаны йомгаклау чарасы - тәрәзә төбенә суган утырту иде. Язгы кояш нурларында рәхәтләнеп үссеннәр , дип ,без аларны утыртып та куйдык. Суган, сарымсакның файдасы күплеген  без бик яхшы беләбез.

Агымдагы атна балалар бакчасында "Исәнме ,кояш!" дигән исем астында үтә.  Бу юкка түгел. Табигатьтә дә язгы кояш караганлыгы көннән- көн ныграк сизелә. Рәсем сәнгате эшчәнлегендә балалар кояш рәсемен ясадылар.

Бүген , 23 нче февраль көнне, Сочида Олимпия  уеннары төгәлләнә. 2006 нчы елда ул Туринда, 2010 нчы елда Ванкуверда узды. Ә бездә соңгы олимпия уеннары җәй көне , 1980 нче елда , Мәскәүдә үткән иде. Быелгы олмпиаданың символы шарф ураган аю булса, 1980 нче елда биленә каеш буган аю булган. Истәлекле вакыйгаларның символларын сувенир итеп саклаучылар да бар.1980 нче елда Мәскәүдә үткән олимпиаданың истәлекле сувениры- аю белән без дә тарих битләренә кереп калдык.

Хөрмәтле ӘТИЛӘР! Сезне 23 нче февраль, Ватанны саклаучылар көне белән тәбрик итәбез. Сәламәтлек һәм уңышлар телибез сезгә.Балалар сезне яратуларын портретларыгызны ясап исбатлап күрсәтте. Үзегезне таныйсызмы?

2013 нче елның декабреннән, 2014 нче елның 20 нче гыйнварына кадәр , Яр Чаллы шәһәрендә үткәрелгән “Радуга открытий” бөтенроссия конкурсында , безнең тәрбиячеләр дә җиңү яулады! Конкурс табигатьне саклау, экология  темасын яктыртуны максат итеп куйган иде. “Сулыкларны өйрәнү, чистарту һәм саклау” темасына  тәрбияче Дамира Данир кызы  Зарипова әзерләгән методик эшләнмә  сертификатка һәм 3нче дәрәҗәдәге дипломга лаек булды.  Тәрбияче Алинә Илдус кызы Нургалиева җитәкчелегендә 6 яшьлек Закарова Нәфисәнең конфет кәгазьләре  ярдәмендә ясалган чәчәкләр презентациясе сертификатка ия булды. Тәрбиячесе һәм  балалар бакчасы мөдире  оештыру комитетының РӘХМӘТ ХАТЫ белән бүләкләнделәр.