Бүген “Балалар бакчасы җитәкчесенең җитәкчелек эшчәнлегендә инновация кертү” темасына балалар бакчалары мөдирләренең август киңәшмәсе үткәрелде. Секция эшен Гумерова Луиза Мажитовна 2016-2017 уку елына отчет белән башлап җибәрде. Эшләнгән эшләргә уңай бәя бирде, алда торган бурычлар белән таныштырды. Балалар бакча мөдирләре, өлкән тәрбиячеләр төрле темалар буенча  чыгыш ясадылар.  Флюзия Рафаиловна “База балалар бакчасы” темасына чыгыш ясады. Семинар ахрында Луиза Мажитовна безнең балалар бакчасына “Спорт –альтернатива погубным привычкам” конкурсында  республика буенча икенче урынга лаек булуыбыз белән котлады һәм диплом тапшырды. 

Бүген, 11  август көнне “Балачак”  балалар бакчасында “Йомшак уенчыклар “  ярминкәсе  узды.  Һәр бала  үзенә  якын, кадерле булган йомшак  уенчыгын бакчага алып  килде. Ярминкәдә  аюлар, маймыллар, тиеннәр, песиләр,  куяннар  күп иде.  “Сатучылар”  ярминкәне  бик оста итеп оештырды.  Уенчыклар белән уеннар  оештырылды, ярминкә ахырында дискотека булды.

Бүген, 9 август  көнне  уртанчылар төркеме балалары тәрбияче Багавиева Г.Р. белән берлектә ”Ком шәһәрчеге” ясадылар. Комлык- бакчабызның иң популяр  урыннарының берсе. Көн дә балалар комлыкта сюжетлы уеннар уйныйлар, хыяланып  төрледән- төрле образлар тудыралар.

Безнең комлык шәһәрчеге,

Елга буенда тора.

Ул уңайлы , ул матур,

Безнең өчен бик зур!

Бакчабызның участогы

Гел комнан гына тора.

Алмаштырып булыр иде,

Фәкатъ диңгез ярына.

Безгә шуа торган таулар

Юктыр диңгез ярында.

Комлы балачак булдырган

Рәхмәт абый- апаларга!!

Бу шәһәрчек балалар фантазиясе белән ясалды. 

Бүген. 2 нче кечкенәләр төркемендә «Күбәләкләр» бәйрәме булып узды. Тәрбияче Шагиева Л.Р. балаларны күбәләкләр белән якыннанрак таныштырды. Төрле күбәләкләр сүрәтләнгән рәсемнәр күрсәтте. Соңыннан балалар күбәләк итеп киселгән шаблоннарны төрле-төрле стразалар белән бизәделәр. Балаларга бик кызыклы һәм күңелле булды.

Рәсем ясау шөгыле баланың көндәлек тормышын кызыклы һәм файдалы итеп оештырырга мөмкинлек бирә. Бүген, 3 август көнне,  “ Балачак” балалар бакчасында асфальтка акбур белән рәсем ясау оештырылды. Максаты: яшь талантлар барлау һәм сәнгатькә мәхәббәт тәрбияләү. Балалар чын рәссамнар шикелле асфальтка сурәт төшерделәр. Акбур белән ясаган рәсемнәрдә — аларның гаиләләре, дуслары, яраткан уеннары, җәй бизәкләре чагылдырылган, һәм, әлбәттә барысында да нур сибүче кояш. Балаларның рәсемнәре берсеннән - берсе матур иде. 

Бүген 2 август көнне    “Балачак” балалар  бакчасында  “Скакалка”  көне үткәрелде.

Скакалка – балаларның  иң яраткан  уен  атрибуты.  Аның  белән аерым, күмәк уеннар оештырылды. Кечерәк яшьтәге балаларда да скакалкада  сикерү  теләге уянды.  Скакалкаларда сикерү  белән беррәттән, велосипед  ярышлары,  батутларда сикерү оештырылды. Бәйрәм мавыктыргыч һәм күңелле узды.

                Аякларым талмас өчен,

                Кабатлау гына кирәк:

-         Әй скакалка, скакалка!

Көн буе сикерәм!

Тамчы да кызганмыйм

Сикерәм дә, сикерәм!

    Дети очень любят игры с песком. Эти игры полезны  как в плане оздоровления, так и в плане знакомства малышей с окружающим миром.

       Детям очень нравится играть с песком, сыпать его из одного ведерка в другое, с помощью разноцветных формочек лепить из песка разные фигурки. Такие игры благотворно влияют на психику ребенка и успокаивает их.

 Безнең балалар бакчасына  нәниләр  бик теләп йөриләр. Шулай булмый ни – анда алар уйнап кына  калмыйлар, тәрбияче апалары белән төрле кызыклы тәҗрибәләр дә ясыйлар, экспериментлар куялар.  “Балачак” балалар бакчасында экспериментлар үткәрү еш кулланылына. Уртанчылар торкеме №1 тәрбияче апалары Хөснуллина М.А. белән “Вулкан” тәҗрибәсен ясадылар. Әйтергә кирәк, мондый төр шөгыльләр нәниләр күңеленә аеруча хуш килә.

Табигатьтә һәр фасылның кабатланмас үз матурлыгы бар. Язгы ләйсән яңгырлар, күктәге салават күпере, кышын кар бөртекләрендәге мең төрле бизәкләр, җәйгә чыксаң болын-кырлардагы чәчәк, үләннәр төрлелеге үзләре үк серле могҗизага тиң. Бары күрә белергә генә кирәк.

      Бакчабыз табигатьнең гүзәл почмагына урнашкан.Агачлар, куаклар, яшел чирәм һәм чәчәкләр белән хозурланып, кошларны күзәтеп үсә безнең балалар. Менә бүген дә без, балалар белән кыр чәчәкләрен күзәттек, исемнәрен, танырга өйрәндек. Шушындый экскурсияләр барышында без  балаларга матурлыкны күрә белергә генә түгел, табигатьне сакларга кирәклеген дә өйрәтәбез.

“Җәйге могҗизалар- күмәк уеннар ” атналыгы уңаеннан уртанчылар төркеме балалары тәрбиячеләре  Багавиева Г.Р. белән кумәк уеннар уйнадылар. Балалар татар һәм рус халык уеннарын һәр көн саен яратып уйныйлар. Татар кызы бу юлы очрашуга “Түбәтәй”  уенын алып килгән иде. Уен балалар  күңеленә хуш килде.  Шулай ук саф һавада,  татар кызы белән берлектә “Чума урдәк, чума каз”, “Галиябану”, “Йөзек салыш” милли уеннарын да уйнадылар. Балалар куңеленә татар милли уеннары кереп калсын иде.