"Сөйкемле Шүрәле" дип аталган Бөтенроссия бәйгесенә йомгак ясалды. Төрле номинацияләрдә Шәмәрдән лицее укучысы Билалова Рузанна (укытучысы Иванова Мәдинә Илдус кызы) 3 урынга, Сабабаш төп мәктәбеннән Гарипов Рафил (укытучысы Мөхәрләмова Зөбәрҗәт Малик кызы) кызыксындыру бүләгенә ия булдылар. Әлеге укучыларны котлау май аенда "Казан” Милли мәдәният үзәгендә үтәчәк. Афәрин!

Районыбыз укучылары 2011 нче ел Тукай елы уңаеннан республика күләмендә үткәрелүче чараларда катнашуларын дәвам итәләр. 15 нче апрель көнне Татарстан Республикасы Арча муниципаль районы 5 нче гимназиясендә "Бөек татар шагыйре Габдулла Тукайның иҗаты , әдәби мирасы мәңгелек” дигән темага I районара Тукай фәнни – тикшеренү эшләре конкурсы булып үтте. Бу укуларда Шәмәрдән лицее укучысы Шөгаепова Алия III дәрәҗәдәге дипломга (укытучысы Мулласалихова Гөлсирә Госман кызы) лаек булды, Курсабаш мәктәбенең 10 нчы сыйныф укучысы Галимуллин Булат (укытучысы Шаһиҗиһанова Гөлсинә Миннәхмәт кызы), Сабабаш төп мәктәбенең 8 нче сыйныф укучысы Шәйморатова Әнисә һәм 9 нчы сыйныф укучысы Исмәгыйлева Энҗе (укытучылары Мөхәрләмова Зөбәрҗәт Малик кызы) грамоталарга ия булдылар. 

            13 апреля т.г.  коллектив МАОУ «Центр образования № 178» г.Казани, под руководством директора Центра Венеры Кашфиевны Хайрутдиновой, принял делегацию педагогов нашего района из 80 человек. Семинар проходил на основании взаимного сотрудничества между Центром образования и Сабинским муниципальным  районом. 

   5 апрель көнне Балалар иҗат үзәгендә “Мәгариф” милли проекты кысаларында “Җәмәгать тыңлаулары” булып узды. Анда “Мәгариф” милли проекты Советы әгъзалары, җирле үзидарә башлыклары, мәктәп директорлары, әти-әниләр комитеты, укучылар үзидарәсе вәкилләре, хезмәт ветераннары,  “Саба таңнары” газетасы, “Саба дулкыннары” телерадиокомпаниясе журналистлары катнашты. 

    8 нче апрельдә Казанның 81 нче мәктәбендә татар халкының бөек мәгърифәтчесе Каюм Насыйри исемендәге фәнни-тикшеренү укулары узды. Быел яшүсмерләрнең төбәк укулары тугызынчы тапкыр оештырылды. Фәнни-тикшеренү укуларының йомгаклау этабында Татарстан Республикасы һәм Россия төбәкләреннән  яшь тикшеренүчеләр катнашты. Елның-елында Каюм Насыйри исемендәге укуларны ТР Мәгариф һәм фән министрлыгы, Татар дәүләт гуманитар-педагогика университеты, Казан шәһәре Мәгариф идарәсе, ТР Фәннәр академиясенең Шиһабетдин Мәрҗани исемендәге Тарих институты оештыра. Җыен галимнәр, республика вузлары укытучылары, мәктәп, лицей һәм гимназия укучылары катнашында уза.

    7 нче апрель көнне Лесхоз урта гомуми белем бирү мәктәбендә "Тарих һәм җәмгыять белемен укыту процессында методик ярдәмлекләрнең роле” темасы буенча  тарих һәм җәмгыять белеме укытучылары өчен район семинары үткәрелде. Семинарның беренче көн тәртибе буенча Әгъләмҗанов Рим Камилович 6 нчы сыйныфта “Русьта Батый яулары” темасына ачык дәрес үткәрде. Икенче көн тәртибе буенча  "Җәмгыять белеменнән БДИга әзерләнгәндә методик ярдәмлекләр технологиясе” дигән мастер- класс күрсәтелде. Өченче көн  тәртибе буенча  тарих һәм җәмгыять белеменнән имтихан бирү үзенчәлекләренә, яңа укыту – методик әдәбиятка күзәтү ясалды. Семинар мәгълүмати – методик үзәк методисты Г.И.Шафикова чыгышы, фикер алышулар, эшләнгән эшләргә нәтиҗәләр ясау белән төгәлләнде.

6 апрель көнне Татарстан Республикасы Яшел Үзән муниципаль районы 5 нче гимназиясендә I  Республикакүләм Тукай укулары булып үтте. Бу укуларда Шәмәрдән лицее укучылары һәм укытучылары катнашты. 8 нче сыйныф укучысы  Фәхретдинова Гөлшат II дәрәҗәдәге дипломга (укытучысы Мулласалихова Г.Г),  9 нчы сыйныф укучылары Гарифуллина Алсу һәм Шәрипова Ландышлар III  дәрәҗәдәге дипломнарга (укытучысы Хаева Д.И.), 8 нче сыйныф укучылары Емельянов Руслан һәм (укытучысы Сайфутдинова Э.Г.), Рахимҗанова Эльмиралар грамоталарга (укытучысы Минһаҗева Н.Ф) ия булдылар.