"Бөтенроссия аеклык көне" ("Всероссийский день трезвости") уңаеннан акция үткәрелде.

Бүген лагерьның 10 нчы көне - Россия көне буларак билгеләп үтелде. Һәрбер кеше үзенең туган илен, җирен һәм аның тарихын белергә тиеш. Иртәбезне Россия гимны белән башлап җибәрдек. " Минем илем - Россия" дигән темага тәрбия сәгате уздырдык. "Туган илем- Россия" интеллектуаль уен уйнадык, рәсем конкурсында катнаштык. Карта буйлап Россиянең шәһәрләренә сәяхәт иттек, елгалары-күлләре, урман-чүлләре белән таныштык. Балалар Россия символикалары турында белемнәрен тулыландырдылар. 

Лагерьга йөрүче укучылар белән бүген болынга экскурсия оештырылып, дару үләннәре белән таныштырылды. Авылыбыз фельдшеры Яхина Ләйсән апа белән очрашу үткәрелде. 

Ә көннең икенче яртысында табигатькә чыгып төрле табигый материаллар җыйдылар, шулардан төрледән-төрле, матур композицияләр ясадылар.

Шекше җирлеге "Ак калфак" җэмэгать оешмасы җитәкчеләре "Кыңгырау" лагерена йөрүче кыз балалар өчен мастер - класс үткәрде. Кызларыбыз бик тырышып йорт токмачы кистеләр.

Лагерьның 7 нче көнендә  Кырлайга экскурсиягә бардык. Анда  Тукай музеенда булдык. Музейда аның тормышы, иҗаты, мәхәббәт тарихы белән таныштык. Ул тоткан китаплар, үзе язган язмалар, газеталар белән таныштык. Сөекле шагыйребез турында булган белемнәребезне тагын да  камилләштердек. Музейга баруыбыз барыбыз өчен дә файдалы һәм нәтиҗәле булды.

Буген 6 июнь А.С.Пушкин туган көн уңаеннан лагерьда "Әкиятләр иленә" сәяхәт дигән тәрбияви чара үткәрелде. Балалар башта А.С.Пушкинның балачагы,тормышы ,иҗаты белән таныштылар. Аннары "Сказка о Мертвой царевне и о семи богатырях "  исемле мультфильм карадылар. 

Көннең икенче яртысында саф һавада уеннар уйдадылар, төрле рәсемнәр ясадылар.

Лагерьның 5 нче көне "һөнәр -үлмәс җәүһәр" темасы астында үтте. 

Лагерьда бүгенге көн тулысы белән спортка багышланды. Иртәнге аштан соң " Сәламәт тәндә - сәламәт акыл " дигән темада әңгәмә үткәрелде. Балалар спорт , аның тарихы белән таныштылар. Спортзалда "Күңелле стартлар" уен-ярышы уздырылды. Шашка-шахмат уеннары уйнадылар. Көннең икенче яртысында кызлар өчен "Озын толым" конкурсы үткәрелде. Көн бик файдалы узды. 

Бүген  иртәдән үк көн бик матур, кояшлы, җылы. Без балалар белән саф һавада төрле уеннар уйнадык. Көннең икенче яртысында "Балык тоту"  конкурсы уздырылды. Көн бик күңелле узды.

Лагерьнең бүгенге көне дә сизелми дә үтеп китте. "Наркотикларсыз тормыш" айлыгы кысаларында укучылар белән видеофильм карау һәм рәсем конкурсы оештырылды, иң яхшы дип табылган рәсемнәр күргәзмәгә куелды. Ветеран укытучы Гөлфәния апа җитәкчелегендә татар халык уеннары өйрәтелде."Назалы", Биш парлы" Чума үрдәк, чума каз" уеннары  балалар күңеленә хуш килде.