Ура!!! Бүген күптән көтелгән яңа балалар бакчасы, мәктәп һәм фельдшер-акушерлык пункты безгә үзенең ишекләрен ачты. Заманча җиһазланган бина барчабызга да бик ошады. Тантанада Татарстан Республикасы Мәгариф һәм Фән министры һәм башка бик күп кунаклар катнашты. Балаларыбыз , үзебез исән-сау булып, илләр имин, көннәр тыныч булып, куанып эшләргә насыйп булсын!

Барча җитәкчеләребезгә, хөкүмәтебезгә, авылыбызга ясаган шундый олы бүләк өчен әти-әниләр, балалар һәм балалар бакчасы хезмәткәрләре исеменнән зур рәхмәтебезне белдерәбез!

Хөрмәтле коллегалар, балалар, әти-әниләр, туганнар, дуслар!!!

Барыгызны да Яңа 2014 ел белән тәбрик итәбез! Барчагызга да исәнлек, саулык, сәламәтлек, күңел күтәренкелеге, иман байлыгы, шатлык, куанычлар телибез.

Илләребез имин. ризыкларыбыз мул. көн-төннәребез тыныч. эшләребез уңышлы булсын.

Бүген бакчабызда яңа елны каршылау - "Яңа ел килә" дип исемләнгән бәйрәм иртәсе булды . Бәйрәм бик күңелле үтте. Маскарад костюмнарына бәйге игълан ителгән иде. Балалар әти- әниләренең үз куллары белән эшләнгән киемнәрен киеп горурланып йөрделәр. Бәйрәм ахырында аларга  махсус әзерләнгән бүләкләр тапшырылды.

Тәгәрәтеп пластилинны

Ясадык кар бабайлар

Ким түгелләр карныкыннан

Шаккаттылар апалар.

Кадерле әниләребезгә багышлап "Иң-иң якты Кояшым!" рәсем кокурсы үткәрдек. Берсеннән берсе  матур әниләр рәсеме ясап.балаларыбыз әниләрен сөендерделәр.

Син әнием минем өчен

Бу дөньяда бер генә

Елмайганда, йөзләреңнән

Бар өйгә нур бөркелә.

Балалар янына кунакка авылыбызның имамы Исрафил абый  килде. Корбан чалу тарихын тыңлау, үгет-нәсихәт ишетү балаларыбызга файдага булса иде. Балаларыбыз иманлы, күркәм, матур холыклы булып үссәләр без дә бик бәхетле булыр идек.

Бакчабызда гомуми ата-аналар җыелышы булып үтте. Ата-аналар комитеты сайлап куелды. Районыбызның социаль хезмәткәре белән очрашу оештырылды.

1 июнь-Балаларны халыкара яклау көне уңаеннан "Сабантуй" бәйрәме үткәрдек. Бәйрәмебезгә бик күп әти-әниләр, әбиләр-бабайлар,  кунак кыз һәм малайлар да килгәннәр. Бакчабыз балалары белән бергә алар да уеннарда катнаштылар, ярышларда көч сынаштылар. Алдагы көнне балалар апалары белән бирнә җыеп йөрделәр. Авыл халкы. әти-әниләр бәйрәмне үткәрү өчен бик күп күчтәнәч һәм бүләкләр бирделәр. Аларның барысына да бик зур рәхмәтебезне җиткерәбез. Бәйрәмнән бар да канәгать калды.

30 май көнне мәктәпкә китүче балалар һәм аларның әти-әниләре катнашында "Хуш, сөекле бакчабыз"  дип исемләнгән кичә булып үтте. Без бу уку елында 11 баланы мәктәпкә озаттык. Балалар бакчасында үткән һәрбер көннәре, аларның күңелләрендә,  балачакның матур бер онытылмас мизгеле булып исләрендә калса иде ! Без, аларның тәрбияче апалары, аларга уңышлар, бәхет, исәнлек телибез. Тәртипле һәм тыңлаулы булыгыз ! Балалар бакчасын онытмагыз ! Әти-әниләргә дә сабырлык һәм сәламәтлек юлдаш булсын !

Бүген мәктәпне тәмамлаучы 7 бала - 1 кыз һәм 6 егет өчен "Соңгы кыңгырау" чыңлады. Аларны  11 сыйныфны уңышлы тәмамлаулары белән тәбриклибез. Имтиханнарын уңышлы тапшырып, барысы да аттестат алып , тормышта үз юлларын табып, бәхетле һәм сау-сәламәт булуларын теләп калабыз. Ә аларга алмашка безнең балалар бакчасыннан 5 кыз һәм 6 малай барачак. Алар инде бүген үк  мәктәпкә барырга әзер, алар да сынатмаслар дип уйлыйбыз һәм уңышлар телибез !!!