Игелек кылу элек-электән халыкта савап саналган, кылган игелек югалмый, үзеңә киредән әйләнеп кайта, дигәннәр. 28 ноябрь көнне Тимершык урта мәктәбенә игелекле ярдәм күрсәткән   ООО "Саба" җәмгыяте  җитәкчесе Нуриев А.Г. белән очрашу үткәрелде. "Техник иҗат" түгәрәгендә эшләнгән әйберләрдән  күргәзмә оештырылды, түгәрәк эшчәнлеге күрсәтелде. ООО "Саба"  җәмгыяте бу уку елында да 16000 сум акча күчерде. Айнур Габделбариевичка олы рәхмәтләребезне җиткерәбез.

25 ноябрь көнне Тимершык урта мәктәбендә Әниләр көненә багышланган "Әниемнең җылы кочагы" исемле  бәйрәм концерты уздырылды. Әлеге чарада 8 нче сыйныф укучылары актив катнашты. Укучылар бәйрәмгә ныклап әзерләнгәннәр, чыгышлары һәркемнең күңеленә хуш килде.

Октябрь аенда V Республикакүләм  "Мой любимый учитель" конкурсы булды. Бу конкурста безнең мәктәбебездән дә шигырьләр һәм  рәсемнәр  белән укучылар катнашты. Фатыйхова Нәзилә "За творческий подход" Грамотасы белән бүләкләнде. Нәзиләне котлыйбыз. Җитәкчеләре Миннеханова М.Ф.һәм Гиниятуллина И.И.

19 ноябрь көнне Тимершык урта мәктәбендә КЭС-БАСКЕТ ярышының муниципаль этабы булып үтте. Әлеге ярышта Шәмәрдән лицее, Сатыш, Килдебәк, Тимершык мәктәпләренең кызлар командасы үзара көч сынашты. Ярышның нәтиҗәләре түбәндәгечә: 1 урын-Тимершык урта мәктәбе , 2 урын-Сатыш урта мәктәбе, 3 урын-Килдебәк урта мәктәбе, 4 урын- Шәмәрдән лицее. Укучыларыбызны чын күңелдән котлыйбыз  һәм алга таба да зур уңышлар телибез!Тренерлары Шамил Хасановичка рәхмәтләребезне җиткерәбез.

18 ноябрь көнне Буа шәһәренең Р.Сәгъдиев исемендәге мәктәбендә  “Шәҗәрәләр-нәсел агачы” дип аталган III  төбәкара фәнни-гамәли  конференция булды. Анда Тимершык урта мәктәбенең 10 нчы сыйныф укучысы Гаттарова Айгөл катнашты һәм III  дәрәҗә дипломга лаек булды. Җитәкчесе- Миннеханова Минсылу Фанавиевна.

20 ноября – день правовой защиты детей. В связи с этим в МБОУ «Тимершикская СОШ Сабинского муниципального района РТ» приняли участие  старший участковый  уполномоченный майор полиции Садриев Р.А., участковый  уполномоченный полиции Гатин М.М., глава Тимершикского СП Хазиев А.Х.  Они  ещё раз напомнили  детям об их правах, процитировали статьи Конвенции о правах детей, отвечали на вопросы  обучающихся, сами задавали вопросы им. 

14-15 ноябрь көнне Эзмә урта мәктәбе базасында  "Ел укытучысы-2017" район этабы конкурсының "Иң яхшы педагог оештыручы" номинациясендә педагог оештыручылар көч сынаштылар. Безнең мәктәбебезне Гиниятуллина Илһамия Искәндәровна тәкъдим итте. Ул 4 нче сыйныфта "Иң, иң кадерле кешем" дип исемләнгән җыен күрсәтте.

15 ноябрь көнне Тимершык урта мәктәбендә КЭС-БАСКЕТ ярышының зона этабы булып үтте. Әлеге ярышта Олы Шыңар, Мичән,  Симет, Тимершык мәктәпләренең малайлар һәм кызлар командасы үзара көч сынашты. Кызлар командалары арасыннан ярышның нәтиҗәләре түбәндәгечә: 1 урын-Тимершык урта мәктәбе, 2 урын-Мичән төп мәктәбе, 3 урын - Олы Шыңар урта мәктәбе. Малайлар командалары арасында 1 урын- Олы Шыңар урта мәктәбе, 2 урын- Тимершык урта мәктәбе, 3 урын-Симет урта мәктәбе. Җиңүчеләрне чын күңелдән котлыйбыз  һәм финал ярышында зур уңышлар телибез!