Лагерьның санаулы көннәре генә калып бара. Бүген аның 19 нчы көне.  Балалар килүгә күңелле музыка астында иртәнге гимнастика ясадылар.

 22 июнь 1941 ел... бу дата күңелгә  авыр саннар булып язылган. Нәкъ менә шушы көнне фашист илбасарлары безнең илебезгә кисәтүсез бәреп кереп сугыш башлыйлар. Бу сугышта күп миллионлаган халкыбыз һәлак була һәм хәбәрсез югала.  

Без дә  бу көнне игътибарсыз калдырмадык. Иртәнге аштан соң үзебезнең нәни кулларыбыз белән венок ясап,  аны "Алар безнең өчен һәлак булдылар" дип аталган обелискка  тантаналы төстә төшереп куйдык.  Үзебезнең авыл җирлегеннән сугышка китеп һәлак булган һәм хәбәрсез югалганнарны бер минутлык тынлык белән искә алдык.  Аннан менгәч сугыш турында кино карадык. 

"Шатлык" та 18 нче көнебез шаулап-гөрләп үтеп бара.  Иртәнге аштан соң, балалар Тимершык авылы мәчетенә экскурсиягә бардылар.  Авылыбыз абыстае Файмә апай ата-ана хакы турында вәгазь сөйләде, краза тоту кагыйдәләрен искә төшерде. Укучылар бик игътибарлап сөйләгәннәрне тыңлап утырдылар. 

Аннан кайткач  Фәйзетдинова З.Б. "Кызыклы инглиз теле" дигән викторина үткәрде. Кызыклы сорауларга җавап бирделәр, җырлар җырладылар.

Легерыбызның 17 нче көне дә артта калды. Бүген көнебез чараларга бигрәк тә бай булды. Иң беренче, спортзалда "Күңелле стартлар" булды. Балалар төрле спорт төрләрендә үзләренең көчләрен сынадылар. Уен бик матур һәм күтәренке кәеф белән үрелеп барды. Уен ахырында җиңүче командаларга мактау грамоталары һәм истәлекле бүләкләр бирелде. Аннан соң безгә кунакка участок инспекторы Гатин Марат абыйлары килде. Ул укучыларга велосипед белән йөрү, су буенда үз-үзеңне тоту кагыйдәләрен искә төшерделәр. Балалар үзләре теләгән сорауларга җаваплар алдылар.

Көннең икенче яртысында өстәл уеннары уйнадылар.

Лагерьның 16 нчы көне гөрләп үз эшен башлап җибәрде. Балалар "Шатлык"ка бик теләп йөриләр.

Бүген алар Миңгәр авылындагы манарага һәм теплицага сәяхәт кылдылар. Манараның эченә керә алмасалар да, тышындагы матурлыкка соклануларын яшерә алмадылар.

Аннан соң алар  яшелчә теплицасына юл тоттылар. Монда кыяр һәм помидор үстерелә. Балалар монда  эшләүчеләрнең  эш шартларын карадылар, кыяр үстерү технологиясе  белән таныштылар.  Ахырдан аларны теплица хезмәткәрләре кыяр белән сыйладылар.

Көннең икенче яртысында саф һавада уеннар уйнадылар.

Көннән-көн "Шатлык" лагеры ахырына якынлаша бара. Бүген бездә инде 15 нче көн. Балалар иртәнге аштан соң, "Мы готовы к ГТО!" дип исемләнгән  отрядлар арасында плакатлар ясау ярышында булдылар.Бик матур, темага туры килә торган плакатлар хасил булды. Урыннар билгеләнеп, грамоталар һәм бүләкләр бирелде.

Сәгать 12 дә "Нарат" боз сараена тимераякта шуарга бардылар.

Саф һавада уеннар да уйнадылар.

Бүген дә лагерь, ишекләрен киң итеп ачып балаларны үзенә кабул итеп алды. Көн бик матур гына башланып китте.

Укучылар тәмле итеп иртәнге ашны ашаганнан сон, Шәмәрдән мәдәният йортында Т.Миңнуллинның  "Әйт әле, күбәләк" исемле спектаклен карап кайттылар. Бу спектакльдә төп рольләрне безнең мәктәптә белем алучы Гиниятуллин Илназ һәм Гиниятуллин Фаилләр башкарды. Балаларга спектакль бик ошады. Алар бик кәнәгать булып калдылар.

Көннең икенче яртысы саф һавада уеннар белән дәвам итте.

Ял һәм хезмәт лагере үз эшен дәвам итә. Мәктәп яны тәҗрибә участогында эшләп алганнан соң, укучыларыбыз авыл механизаторлары белән очрашуга бардылар. Алар, әлеге һөнәрнең үзенчәлекләре белән таныштылар, үзләре теләгән сорауларга җаваплар алдылар.

"Шатлык" лагеры балаларны кабат сәламли. Көнне бик матур музыка астында иртәнге гимнастика белән башлап җибәрдек. Иртәнге аштан соң, Саба мәдәният йорты артистлары бик матур тамаша күрсәттеләр. Берсеннән- берсе кызык, күңелле уеннар уйнаттылар. Һәр уеннан соң җиңүчеләрне билгеләп, матур бүләкләр белән сөендерделәр. Балаларның күңелләрен күргән өчен аларга олы рәхмәтләребезне җиткерәбез. 

Лагерь көне бик оешкан һәм кызыклы башланып китте Бу атна план буенча ГТО атналыгы. Укучылар иртәнге аштан соң ГТО нормативлары тапшырырга спортзалга җыелдылар. Физкультура укытучысы Биктимиров А.Г. һәрбер спорт төрен әйбәтләп аңлатып, күрсәтеп чыкты. Шуннан соң укучылар нормативлар тапшыра башладылар: урыннан сикерү, иелү, скакалкада сикерү, турникта тартылу. Җиңүчеләргә грамоталар тапшырылды.

"Пчёлки" хезмәт лагерына йөрүчеләр Миңгәр авылында урнашкан кыяр, помидор үстерү теплицасында булып кайттылар. Лагерь начальнигны Лилия Римгилевна укучыларның буш вакытларын мавыктыргыч һәм файдалы итеп уздыру өстендә эш алып бара.

"Шатлык" һәм "Пчелки" лагерының  инде 10 нчы көне. Балалар музыка астында иртәнге гимнастика ясадылар. Иртәнге аштан соң  укучыларга Зөлфия Фидәилевна "Россия көне белән" дигән викторина үткәрде. Балаларга  Россия символы, гербы, флагы турында бик кызыклы мәгълүмат бирелде. Викторина уен формасында барды. Алар үзләре ясаган  корабльгә утырып Россия буйлап сәяхәт иттеләр. Уенның ахыры хәрби патриотик рухта "Полки идут стеной" дигән җыр белән төгәлләнде..