Бүген "Ромашка" балалар бакчасында тәрбияләнүче нәниләргә Үги кыз әкиятен куйдык.  Әкият балаларга бик ошады.  Икенче аштан соң армрестлинг ярышы үткәрелде. "Ватан каян башлана" викторинасында да балалар бик актив катнашты. Шундый күңелле чаралар белән көннең үткәне сизелми дә калды.

Бу атна Хәрби патриотик тәрбия атналыгы. Иртәнге аштан соң "Тарих сукмаклары буйлап"  чарада авылыбыз тарихы, аның үткәне  белән таныштык. Күренекле шәхесләре турында фикер алыштык. "Безнең киләчәгебез кадерле" наркотикларга каршы чара үткәрелде.

Икенче иртәнге аштан соң  отрядлар арасында өстәл теннисы, бадминтон буенча ярыш оештырылды. Төшке аштан соң "Алар даны мәңгелек" клуб сәгатендә Югары Симет авыл китапханәсе китапханәчесе авылыбыздан чыккан сугыш ветераннары белән таныштырды. Кызыклы уннар үткәрде. Укучылар күңелле ял итте.  

Бүген лагерьда " Әй Казан, нурлы Казан!" дип иселәнгә викторина үткәрелде. Балалар башкалабыз Казан турында белемнәрен ныгытты, сорауларга җавап эзләделәр.  Икенче иртәнге аштан соң елга буена сәяхәт оештырылды. Балалар анда туган як гүзәллеген рәсемгә төшерделәр. Төшке аштан сон бу рәсемнәрдән күргәзмә оештырылды. Балалар бакчасында нәниләргә күрсәтү өчен "Үги кыз" әкиятен сәхнәләштерә башладык.

Иртәнге якта ике отряд арасында математик КВН оештырылды. Отрядлар кызыклы математик сорауларга җавап эзләде. Математик ресбуслар чиште. Каршы як командага кызыклы биремнәр әзерләп, аларга җавап таптылар. "Иң шәп егет" конкурсында һәр отрядтан да дүртәр егет  кызыклы конкурсларда катнашты. Лагерьның "Иң шәп егете" дип  Загриев Фоат табылды.  Татар халык җырлы- биюле уеннары укучыларга аларның әби-бабалары чорына кайтып килергә ярдәм итте. Төшке аштан соң Авыл библиотекасына бардык. Анда безгә  китапханәче Гүзәл апа китапларның килеп чыгышы турында сөйләде, борынгы китаплар белән таныштырды.

Бүген без лагерьда "Озын толым" бәйгесе оештырдык. Озын толымлы кызларыбыз  осталыкта, җитезлектә, тапкырлыкта көч сынаштылар. Толымнарын тәрбияләү серләрен чиштеләр. Иң озын толымлы кыз дип Тимерова Айсылу билгеләнде. Көннең икенче яртысында кызыклы өстәл уеннары оештырылды.

Бүгенге көн "Безнең балачак" дигән исем астында узды.

Көннең беренче яртысында Химия фәне укытучысы Руфия Раисовна химия фәнененнән укучыларга кызыклы тәҗрибәләр күрсәтте. балалар чипсының, газлы эчемлекләрнең  зыяны турында кызыклы мәгълүмат алдылар.

 Һәр отряд  ачык һавада ирекле темага асфальтта рәсемнәр ясады. Икенче иртәнге аштан соң елга буена балык тотарга бардылар. Балык эләкмәсә дә балалар күңелле ял иттеләр.

Бию бәйгесе, шахмат ярышы, "Көйне таны" бәйгесе белән көнебез кызыклы, мавыктыргыч  үтте. Бу уеннарда җиңү яулаган балаларга истәлекле бүләкләр тапшырылды.

Бүген көнебез бик кызыклы узды. Иртәнге аштан соң без "Китаплар иленә" сәяхәт ясадык. Яңа басмалар белән таныштык. Авыру китапларга ярдәм иттек. Көнебез татар халык уеннары белән дәвам итте. Әби-бабаларыбыз уйнаган 2Гөлбану", "Ал кирәк, гөл кирәк", "Наза" уеннары безгә бик ошады. Икенче иртәнге аштан соң, дару үләннәре белән танышу өчен, табигатькә чыктык. Дару үләннәренең файдалы үзлекләре турында сөйләштек, аларны танырга өйрәндек. Төшке аштан соң бадминтон уены оештырылды.

Бүгенге көн кызыклы, мавктыргыч үтте. Кече олимпия уеннарында балалар төрле спорт ярышларында көчләрен сынады. Иң җитезләр, кыюлар дип "Ромашка" отряды табылды. Алар һәр уенда да зур уңышка иреште. Төшке аштан соң отрядлар Квиллинг серләренә төшенде.Төсле  кәгазь кулланып төрледән төрле картиналар иҗат иттеләр.