Бүген 4-5 нче сыйныф укучылары А.Файзрахманов җитәкчелегендәге Татарстан республикасы дәүләт фольклор музыкасы ансамбле концертын карап кайттылар. Әлеге очрашулар “Балалар өчен сәнгать дәресләре” проекты кысаларында дәвам итә. Бу Татарстан Республикасы Мәгариф һәм Мәдәният министрлыгы, дәүләт ансамблье белән уртак музыкаль проекты. Проектның максаты татар җырлары, биюләре аша укучыларда татар теленә, үз милләтебезгә карата горурлык тудыру.

5-11 нче сыйныф укучылары өчен мәдәният хезмәткәрләре белән берлектә "Балалар куркынычсызлыгы" темасына бердәм тәрбия сәгате үткәрелде. Әлеге очрашуда балалар һәм яшьүсмерләр белән эшләүче инспектор Романова А.Г., халыкка социаль ярдәм күрсәтү үзәгенең, гаилә һәм балалар белән эшләү бүлекчәсе хезмәткәре Сайфуллина Ф.Ф.  катнашты. 

Мәктәбебез укучылары Тимершык урта мәктәбендә үткән шахмат ярышының зона этабында катнаштылар. Команда составында: Галимуллин Альмир, Талипова Мадина, Загриев Солтан, Гароифуллина Чулпан.

Химия һәм биология фәне укытучысы Халиуллина Р.Р. Мәгариф һәм фән министрлыгының Мактау грамотасы белән бүләкләнде. Руфия Рәисовнаны чын күңелебездән әлеге казанышлары белән котлыйбыз һәм алга таба да зур үрләр яулавын телибез. 

5 октябрь- Укытучылар көне. 

Тау -ташларны бергә актарасы,

Менгән чакта белем үренә. 

Ходай Сезгә мең сабырлык бирсен

Өйрәткәндә аның серенә.

Хезмәтегез мактауга бик лаек,

Мөмкин хәтта һәйкәл куярга.

Укытучы сүзен мәрмәр ташка

Алтын хәреф белән уярга.

Бүген 9нчы сыйныф укучылары бәйрәм уңаеннан бик матур чара әзерләп, укытучыларны ял иттерделәр. 

1 октябрь - Өлкәннәр көне. Шул уңайдан, бүген мәдәният йорты белән берлектә, мәктәбебездә эшләп чыккан хезмәткәрләрне чакырып кунак иттек. Укучыларыбыз өлкәннәргә үзләренең җыр, биюләрен бүләк иттеләр.  

Бүген  мәктәбебездә "Бердәм мәдәни дәрес" үткәрелде. Дәрестә авыл китапханәчесе Насырова Г.М. катнашты, укучыларга авылыбызның, районыбызның, республикабызның милли традицияләре, гореф-гадәтләре турында сөйләде. Әлеге дәрес кысаларында башлангыч сыйныф укучыларына мәдәни көндәлек тапшырылды. Балаларга әлеге көндәлекнең ни өчен кирәк икәнен, аны тутыру тәртибен, көндәлекне саклап тотуның мөһимлеген аңлатты. 

Эзтабар -Ватан алдында яшь буын,

Эзтабар - күңелле балачак еллары,

Эзтабар - хезмәттә мәхәббәт уята,

Чын дуслык тудырып сафларны ныгыта

15 сентября в г.Казань прошло открытое первенство по судомодельному спорту среди обучающихся РТ (закрытие сезона). Ученик 9 класса Загриев Ильзат под руководством Имамиева И.И. занял 1, 3 место. Так же Ильзат стал абсалютным чемпионом в своей категории и был награжден судомоделем.