Бүген мәктәбебездә 20 балага исәпләнгән "Кояшкай" ял һәм сәламәтләндерү лагере, 10 балага исәпләнгән хезмәт һәм ял легере үз эшен башлап җибәрде. Балалар "Күбәләкләр" һәм "Сәләт Симет" отрядларына бүленделәр. Куркынычсызлык кагыйдәләрен буенча инструктажлар үткәрелде, отряд почмаклары эшләнде. Лагерь программасы балаларның яшь үзенчәлекләрен исәпкә алып төзелде. Программага төрле акцияләр, рухи-әхлакый , сәламәт яшәү рәвешен пропагандалаган чаралар, конкурс-ярышлар кергән. 

Илдә кояш, җирдә кояш

Тукай көне канат җәйгән.

Бәйрәм бүген, бәйрәм бүген,

Тукай көне - безнең бәйрәм!

Иң матур, моңлы җырларны

Халыкка бирде Тукай.

Моңнары белән мәңгегә

Йөрәккә керде Тукай.

Туган тел атнаалыгы кысаларында, укучыларның фикерләү эшчәнлеген үстерү максатыннан 7-9 нчы сыйныф укучылары арасында "Башваткыч" уены үткәрелде. 

Республикада һәм районыбызда санитар-экологик  айлык башланды. Бу көннәрдә укучылар һәм техник хезмәткәрләр мәктәп тирәсен кардан чистарталар, тәртипкә китерәләр. 

"Космонавтика көне" уңаеннан мәктәбебездә төрле чаралар үтте. Бу чараларда укучылар галәм киңлеген өйрәнү өчен нәрсә кирәклеге турында үзләренең фикерләрен белдерделәр. Иң беренче галәмгә очкан эт, аннан соң 108 минут космик корабльдә булган Гагаринны искә алдылар. Космик корабльдә кешеләрнең ниләр белән тукланулары, ничек яшәүләре күрсәтелде. Укучылар бик кызыксынып карадылар, теләгән сорауларына җавап алдылар. 

В школе была организована выстовка рисунков "Здоровый Я - здоровая Россия" в рамках Всероссйской акции "Будь здоров!"

2 апрель- балалар китабы көне. Шул уңайдан бүген китапханәче Гарипова Л.А., башлангыч сыйныф укучылары белән "Әкиятләр иленә сәяхәт" дип исемләнгән уен викторина үткәрде. 

Укучыларыбыз Гарифуллина Чулпан һәм Загриев Солтан Кукмара районында уздырылган  Г.Каюмов исемендәге II республика күләм фәнни-эзлән укуларында катнаштылар. Алар бик уңышлы чыгыш ясадылар һәм Гарифуллина Ч.II дәрәҗәдәге(җит. Гарифуллина Д.Г.), Загриев Солтан III дәрәҗәдәге (җит.Маннанова Н.Р.) диплом белән бүләкләнделәр. Укучыларыбызны, җитәкчеләрен чын күңелебездән уҗышлары белән котлыйбыз, алга таба да зур уңышлар телибез. 

26нчы мартта мәктәктәпләрдә каникуллар башлана һәм ул 3нче апрельгә кадәр дәвам итәчәк. Язгы каникул чорында  мәктәптә укучылар өчен тәрле чаралар үтәчәк, укучылар түгәрәкләрдә, консультацияләрдә шөгыльләнә алачаклар. Укучыларга файдалы һәм күңелле яллар телибез.