И вот наступил долгожданный день. Солнечным лучиком прилетело и к нам лето. Весёлые детские голоски наполнили радостным щебетанием пришкольный лагерь «Хыял ». В этот день была проведена беседа с детьми «Береги природу!», а так же «Эстафета лесных сюрпризов». 

Татар халкының милли бәйрәме - Сабантуйлар килеп җитте.  Өлкәннәр дә, балалар да әлеге бәйрәмнәрне  сагынып көтеп ала. Лагерьда ял  итүче балаларда да бәйрәм рухы...

 Бүген лагерьның 10 нчы көне... Әлеге көн туган җиребезнең матур табигатенә багышлана... Иң беренче балалар  “Татарстанның Кызыл китабы” белән  таныштылар. Әлеге темага багышланган презентация,  хәзерге вакытта  кимеп баручы хайваннар һәм үсемлекләр дөньясы хакында булды.

   ГТО нормалары тапшыру да дәвам итә. Бүген балалар тәбәнәк турникта яткан килеш  тартылу төрен  тапшырдылар.

      Көн тәртибе буенча үткәрелгән, “Электр куркынычсызлыгы нигезләре “дигән темага түгәрәк өстәл артында сөйләшү дә балалар өчен бик файдалы булды.

  Төшке аштан соң, балалар туган ягыбыз елгалары һәм  чишмәләре буйлап  сәяхәткә кузгалды. Чишмәләр һәм елгаларның бүгенге хәле балаларда кызыксыну уятты... Аларны саклау, тәртиптә  тоту һәркем өчен мөһим икәненә төшенделәр.

Лагерьда бүгенге көнебез «Сәламәтлек дәресләре” дип аталды.

Балалар , ФАП мөдире Харисова Л.З. белән очраштылар, ул балаларга файдалы һәм зарарлы гадәтләр турында әңгәмә үткәрде. Шулай ук  практикант егетебез Тухбатуллин Райнур тарафыннан “Мойдодыр дуслары” турында әкият сөйләнелде, рәсемнәр ясалды.

«Сәламәтлек дәресләре”  темасын дәвам итеп,тәрбия сәгатьләрендә алган белемнәрен барлау,ныгыту максатыннан  Раушания Закариевна укучылар белән сораулар һәм биремнәргә җаваплар тапты.

Төшке аштан соң музыка астында күңелле уеннар үткәрелде.

Бүген лагерьнең 8 нче көне... Күңелле уеннар,кызыклы очрашулар дәвам итә. Ә бүген  көнебез “Башваткычлар чишәбез”дип аталган кызыклы уен белән башланып китте.

 Халкыбызның татар халык уеннары  һәм җырлары белән урелеп барган мавыктыргыч чара балалар күңеленә хуш килде. Тәмле төшке аштан соң, балалар “Кояш куяны -2018 “ рәсем конкурсында актив катнаштылар.

 “Җир шары- уртак йортыбыз!” Ә йортта барлык яшәүчегә дә уңайлы,чиста булырга тиеш. Ә ул уңайлылыкны Кеше үзе булдыра ала бит. Кечкенә яшьтәге мәктәп укучылары моны белеп торырга тиеш. Шул максаттан, бүген лагерьга йөрүче укучылар белән, “Син табигатьне беләсеңме?” исемендә викторина уздырылды.Укучыларыбыз тагын бер кат табигатьнең  кеше тормышында  әһәмияте бик зур икәнлегенә төшенделәр.

Алар, әйдәгез, бергәләп туган җир, туган йорт сагына басыйк, җир-анабызга карата рәхимле булыйк дип сүз бирделәр.

Табигатьтә хәрәкәтле уеннар уйнадылар,күңелле ял иттеләр.

“Без онытмыйбыз, Без горурланабыз!”. Сугыш хәтирәләре беркайчан да онытылмый. Батырларның кылган изге гамәлләре, данлы исемнәре бүгенге көндә әкиятләргә күчкән, җырларга кергән. Без бу дәһшәтле сугышта катнашкан үзебезнең әби – бабаларыбыз, абый-апаларыбыз, якын туганнарыбыз турында сөйләштек, обелискта булдык.

            Дөньяда яшәүче барлык кешенең бер теләге бар – туган илдә тынычлык булсын! Аларга мәңгелек дан һәм мәңгелек хөрмәт!