Көзнең иң матур мәленә аяк бастык.Алтын-сары яфраклар салмак кына бөтерелеп җиргә төшәләр."Яфраклар ява, яфрак яңгыры!"-дип сөенечләрен белдерәләр саф һавага уйнарга чыккан бакчабыз нәниләре.

Узган атнада районның "Старт" чаңгы үзәге оештырган кросста катнашып, мәктәбебез кызлары җиңү яуладылар.2006-2007 нче елгы кызлар арасында 5 сыйныф укучысы Михайлова Мәдинә-I урын, 4 сыйныф укучысы Зарипова Мәрьям-III урынны алды.Республикакүләм, районкүләм җиңү яулаган мәктәбебез укучыларына быел икеләтә уңыш елмаячак.Чөнки физкультура укытучысы Ашрафуллин Марат Айрат улы үз инициативасы белән җиңгән укучыларны мәктәптә дә бүләкләячәк.Берничә укучыбыз мондый бүләкне алырга да өлгерде инде.Бу яңалык укучыларга алга таба спорт өлкәсендә тагын да югарырак күрсәткечләргә ия булу өчен зур этәргеч булып торачак.

Өлкән сыйныф укучылары узган атнада бакчада эшләделәр.Алар сөрелгән җирне тырмалап түтәлләр ясадылар, сарымсак утырттылар.

8-9 нчы сыйныф укучылары республика күләмендә узачак балалар театры фестиваленә әзерләнәләр.Алар Г.Гыйльмановның "Көмеш тарак" әсәрен сәхнәләштерәчәкләр.

Мәктәбебез укучылары даими рәвештә авылыбыз өлкәннәренә ярдәм итеп торалар.Узган атнада 6 нчы сыйныф укучылары җитәкчеләре Мирсәетова Әнисә Мөнировна белән Мөхлиева Әлфинур әби йортына бардылар.

"Әле укый белмәсәк тә, хәрефләрне таныйбыз.Китапларны бик яратабыз.Рузилә апабыз безгә алардан матур әкиятләр, хикәяләр укый, шигырьләр дә өйрәнәбез",-диләр Гүзәл, Азамат, Руслан.

4 нче октябрь көнне авылыбыз Мәдәният йортында Өлкәннәр көне уңаеннан бәйрәм уздырылды.Бу чарада безнең мәктәп тә актив катнашты.Укучылар  башкарган моңлы җырлар, дәртле биюләр, шигырьләр беркемне дә битараф калдырмады.

Мактауларга лаек укытучы!

Ул бит безгә белем бирүче.

Белем чишмәсенең күзе бит ул,

Зиһеннәргә аңнар төрүче.

Бу көн 1, 2 нче сыйныфларның(җитәкчеләре Сәгыйтова Р.Р.,Шангараева Р.Р.) матур бәйрәм котлауларыннан башланып китте.Алар һәр укытучыга атап шигырьләр сөйләделәр, җырлар башкардылар.8-9 сыйныф укучылары үзләре укытучы ролендә булдылар, түбән сыйныфларга дәресләр бирделәр.