3 сентябрь көнне мәктәпкә янгын күзәтчелеге буенча баш дәүләт инспекторы Радик Госманов килде.Ул укытучылар коллективы белән очрашты һәм балаларга ут белән сак эш итү, янгын куркынычы турында даими искәртеп торырга , янгын чыккан очракта кәрәзле телефоннардан 101 номерына шалтыратырга кирәклеге турында сөйләде.Соңыннан укытучыларны кызыксындырган сорауларга җавап бирде.

Бүген мәктәбебезгә киноучреждение хезмәткәрләре килде.Алар ике төрле аудиториягә фильмнар күрсәттеләр.Башлангыч сыйныфлар юл йөрү кагыйдәләренә бәйле мультфильмнар карадылар.Бу алар өчен кирәкле дә, файдалы да чара булды.Балаларга бик ошады.

29 сентябрь көнне балалар бакчасына "Шәфкать" үзәгеннән "Юлбарыс" кунакка килде.Ул балаларга төрле конкурслар оештырды, күчтәнәчләр белән сөендерде.Һәр бала да актив булды.Нәниләргә  бу очрашуны оештырган "Шәфкать"кә бакча хезмәткәрләре дә, әти-әниләр дә рәхмәтле.

Мәктәп укучылары ялгыз яшәүче әби-бабайлар янына даими рәвештә барып хәлләрен беләләр, йорт эшләрендә ярдәм итәләр.5 нче сыйныф укучылары Насибуллина Гөлнара Миннешәех кызы җитәкчелегендә шефлыкка алган Сәлимгәрәева Җәннәт апа янында булдылар, аны якынлашып килүче Өлкәннәр көне белән тәбрик иттеләр.

Бу уку елында бакчага йөрүче нәниләр яңа бина белән беррәттән яңа мәйданчыклы да булдылар.Уен мәйданчыгы-балаларның иң яраткан урыннары.

Укучылар белән куркынычсызлык кагыйдәләрен өйрәнү буенча дәресләр даими алып барыла.Ярты ел саен бу өйрәнүләр практикада сынала.Бүген дә мәктәптә эвакуация оештырылды.Тревога сигналы бирелүгә барлык укучылар, укытучылар, техник хезмәткәрләр үз вакытында тәртип белән мәктәп ишегалдына чыгып тезелделәр.

Бакчага йөрүче нәниләр дә олы абый-апаларыннан калышмадылар.

Укучылар тәнәфесләрне сәламәтлеккә файдалы булырлык итеп уздыралар.Алар саф һавада төрле хәрәкәтле уеннар, футбол уйнап кергәч дәресләрдә дә актив.

Бүген, ягъни 25 сентябрь көнне район мәдәният йортында "Ак калфак" татар хатын-кызлары җәмгыятенең чираттагы утырышы узды.Бу чарада кул эшләре күргәзмәсе белән безнең мәктәп тә катнашты.