Укучылар бик рәхәтләнеп "Тылсым иле" исемле мәктәп  яны лагерендә ял итәләр. 5 нче июнь көнне бездә кызыклы да, файдалы да очрашу булды. Чөнки кунакка ЮХИДИ хезмәткәре килде. 18 майдан 18 июньгә кадәр Бөтенроссия "Игътибар, балалар!" акциясе бара .  Шушы айлык кысаларында балалар арасында пропаганда эше алып барыла.  Инспектор  балаларга  юлда сак йөрергә, юлда йөрү кагыйдәләрен үтәргә кирәклеген искәртте.  "Без юлда йөрү кагыйдәләрен беләбезме?"дигән темага КВН - ШТК да уздырды. Бу уенда балалар   өч командага бүленеп ярыштылар. Бу ярышта дәресләрдә, класстан тыш чараларда  алган белемнәр  ярдәм итте. Укучылар кроссворд чиштеләр, киселгән юл билгеләрен төзеп, аларны таныдыклар Төрле сорауларга җаваплар да алдылар. Уен ахырында йомгак ясалып, җиңүче команда да билгеләнде. Һәр командага бүләкләр бирелде. Бер бала да  бүләксез калмады.

" Тылсым иле" мәктәп яны лагерендә быел 80 бала ял итә. Монда бер көн икенчесенә охшамаган. Балаларны көн дә яңа уен, төрледән - төрле чаралар, бәйге-ярышлар көтә.Тәрбияче апалары белән бергә укучыларның  китапханәләргә, музей- театрларга, киноларга  да  баруы  каралган. Саф һавада йөрү, табигатькә чыгу да балаларга бик ошый.

  24 нче май көнне чыгарылыш сыйныфы укучылары өчен соңгы кыңгырау яңгырады. Бу моңсу да, күңелле дә чара.  Күз яшьләре дә,  елмаюлар да, көлүләр дә булды бу  тантаналы бәйрәмдә.

 Киләчәктә  балаларга тик уңышлар гына телибез. Имтиханнарны яхшы гына биреп, теләкләренә  ирешсеннәр, тормышта үз урыннарын тапсыннар иде.  Барыр юллары озын, киртәләрсез, якты булсын!

   19 нчы май көнне гимназия ишегалды гөрләп торды. Монда  урта сыйныф укучылары чәчәкләр утыртса, башка сыйныф укучылары, әти-әниләр, укытучылар  авыру балаларга ярдәм итү максатында " Изгелек ярминкәсе" ндә катнаштылар. Бу ярминкәдә бик матур кул эшләнмәләре, чәчәк үсентеләре, бәйләнгән һ.б бик күп әйберләр сатып алучыларны җәлеп итттеләр.  Татар халык җырлары астында барган  ярминкәгә  урамнан кереп, хәйрия акциясенә үз өлешләрен кертүчеләр дә аз булмады.

   Күбрәк изге гамәлләр кылып, мохтаҗларга булышып  яшәсәк иде.

  Татарстан Республикасының мәгариф һәм фән министрлыгы тарафыннан  ел да " Без бергә" исемле  балалар  республика  иҗат фестивале үткәрелә. Быел безнең гимназиянең " Хыял"  курайчылар ансамбле бу фестивальдә II дәрәҗә лауреат Дипломына ия булдылар. ( Җитәкче - Гөлнур Таһир кызы Урманчеева) 

16 нчы май көнне гимназиядә зур бәйрәм-  олимпиадаларда, конференцияләрдә, төрле бәйгеләрдә  җиңүче  балаларны бүләкләү чарасы - " Йолдызлык" фестивале узды. Бу чарада укучыларны гына түгел, аларның укытучыларына, әти-әниләренә дә рәхмәт хатлары тапшырылды.Чара укучыларыбызның иң яхшы дип табылган чыгышлары белән үрелеп барды.

Наша гимназия приняла участие в республиканском этапе Всероссийского конкурса " Растим патриотов России. Живем и помним", посвященного 75-летию Победы советского народа в  Великой Отечественной войне 1941-1945годов"и была удостоена Диплома III cтепени.

5-6 нчы сыйныф укучыларыннан торган команда ( җитәкчесе - Тимерханов Рөстәм Хәниф улы) район күләмендә узган футбол ярышында II урынны  яулап шәһәр турында катнашу хокукына ия булдылар. Котлыйбыз һәм яңа җиңүләр теләп калабыз!

 Мәңгелек ут -ул мәңгелек хәтер. Бөек Ватан сугышында һәлак булучылар халык күңелендә мәңге яшәрләр. Батырларны ил онытмас, һәйкәленә эзен суытмас.

  Гимназиянең 6 А  кадет сыйныфы укучылары 7.05 һәм 8.05 көннәрендә  М.Горький паркында урнашкан  Мәңгелек ут янында сакта торып, Бөек Җиңү алдыннан уза торган тантаналы чараларда актив  катнаштылар.

  Укучылар арасында узган VII  Бөтенроссия" Фән граниты - Гранит науки" иҗади бәйгесендә 5 А сыйныфы укучылары Сагындыкова Амалия, Хакимова Алинә,Галиев  Айназ, Хабибуллин Вилдан ( укытучылары- Галиева Гөлназ Шамил кызы) катнашып, I урын яуладылар. Котлыйбыз!