21нче март көнне безнең Теләче 2нче балалар бакчасы базасында мәктәпкәчә белем бирү учреждениеләре тәрбиячеләре һәм башлангыч сыйныф укытучыларының методик оешма җитәкчеләре өчен “Балаларны туган (татар) теленә өйрәтү буенча балалар бакчасы һәм мәктәп арасында дәвамчанлык" темасына район күләм семинар булып узды. Семинар барышында балалар катнашында төрле чаралар күрсәтелде һәм семинарның төп темасын яктырткан чыгышлар ясалды. Семинар азагында  “ачык микрофон” форматында тәрбиячеләр һәм башлангыч сыйныф укытучылары үзара фикер алыштылар.

Милые женщины!

Яз нәрсәдән башлана? Әлбәттә, кышны озатудан. Безнең Теләче 2нче балалар бакчасында Масленица-Май чабу бәйрәмен уздыру яхшы традициягә әйләнде. Масленица-иң күңелле, шау-шулы, яраткан рус халык бәйрәме. Бүген балалар Масленик бәйрәмнәрдә катнаштылар. Алар кыюлыкта, тапкырлыкта һәм җитезлектә көч сынаштылар, шаярдылар һәм көлделәр. Ә тәмле коймакларсыз нинди Май чабу бәйрәме узсын инде? Бәйрәм азагында барлык балалар да пешекчеләр яратып әзерләгән тәмле, хуш исле коймаклар белән сыйландылар. Балалар шатлыгына чик юк булмады!

10 февраль көнне Югары Кибәхуҗа урта мәктәбендә Гомумроссия мәгариф профсоюзының Татарстан республика оешмасының җыелышы үтте. Биредә Теләче районына караган белем бирү оешмаларының профсоюз җитәкчеләре, мәктәп директорлары белән урынбасарлары һәм балалар бакчалары мөдирләре катнашты. Теләче 2нче номерлы балалар бакчасы мөдире Хәсәншина Фәридә Фәннүр кызы “Социаль партнерлыкны үстерү” буенча актив эшчәнлек өчен гомумроссия мәгариф профсоюзының Татарстан республика оешмасының рәисе И.Н. Проценконың мактау грамотасы белән бүләкләнде. Котлыйбыз!

Бүген безнең балалар бакчасының уртанчылар төркеменә йөрүче Аухадиева А. һәм мәктәпкә әзерлек төркеменә йөрүче Ханафиева Д. Теләче беренче номерлы балалар бакчасында узган «Нәни энҗеләр» район бәйгесендә катнаштылар. Кызлар икесе дә бәйгедә уңышлы чыгыш ясап, төрле номинациядә уңышка ирештеләр. Әфарин, балалар!

7 нче февраль көнне Кукмара шәһәренең  5 нче номерлы “Йолдызлык” балалар бакчасында республика күләм  “Ел тәрбиячесе – 2023”  һөнәри бәйгесенең зона туры үтте. Анда  Кукмара , Мамадыш шәһәрләреннән, Балтач, Саба, Теләче  районнарыннан “Ел тәрбиячесе – 2023” һөнәри бәйгесенең муниципаль турында  призлы урыннар алган мәктәпкәчә яшьтәге балаларга белем бирү учреждениеләрдә эшләүче педагоглар көч сынаштылар. Безнең Теләче 2нче балалар бакчасы тәрбиячесе Авхалова Г.И. катнашты. Педагоглар бәйге барышында үзләренең эш юнәлешләре буенча иҗади презентация ясадылар, белем бирү эшчәнлеген күрсәттеләр.

Бу атнада безнең Теләче 2нче балалар бакчасы тәрбиячесе Авхалова Г.И. район тәрбиячеләренең методик берләшмәсендә “Халык уенчыкларының искиткеч дөньясы» темасына эш тәҗрибәсе белән уртаклашты. Дөрес сайланган материал, сабыйларны оештыра белү - ул һәр тәрбияченең шәхси тәҗрибәсе генә түгел, ә иң беренче чиратта, ачык күрсәтүләр вакытында алган тәҗрибә дә.