Бүген 02 ноябрь көнне Теләченең 3нче  номерлы балалар бакчасында  Халыклар бердәмлеге көне уңаеннан күңелле чара булып узды. Мондый бәйрәм берничә ел рәттән үтә. Шуңа да елдан-ел үз осталыкларын күрсәтүче балалар саны да арта. Бу юлы да өлкән һәм мәктәпкәчә әзерлек төркемнәренә йөрүче малайлар һәм кызлар, төрле милләт вәкилләре киемнәреннән киенеп, матур биюләр, җырлар, шигырьләр аша үзләренең осталыкларын  күрсәттеләр.

2021 нче елның 28 нче октябрендә Теләче 3 нче номерлы балалар бакчасында уртача яшьтәге балалар белән Россия Эчке эшләр министрлыгының Теләче районы буенча ЮХИДИ бүлекчәсе начальнигы полиция капитаны Назиров Р.Х., «Юл хәрәкәте куркынычсызлыгы» ДБУнең Казан шәһәре территориаль идарәсенең профилактика бүлеге Саба районы бүлеге начальнигы Ягъфәрова Г.Н. очрашуы булып узды. Тәрбияче Г. Р. Мингазова, музыка җитәкчесе Р. К. Сафина балаларга уен формасында юл куркынычсызлыгы турында төп белемнәрен ныгыттылар, юлда үз-үзеңне тоту кагыйдәләре белән таныштылар, юл йөрү өлешендә игътибарлы булырга өйрәттеләр.

Зурлар һәм мәктәпкә әзерлек төркемнәрендә тәрбияләнүчеләр белән тәрбиячеләр көзге каникуллар алдыннан көнкүрештә янгын куркынычы булган үз-үзеңне тоту мәсьәләсе буенча әңгәмәләр үткәрделәр.

Традиция буенча, октябрь аенда, Теләченең 3нче номерлы  балалар бакчасында Көзге бәйрәмнәр- Сөмбелә үтә.

Бүген кечкенәләр төркеме балалары янгын сүндерүче һөнәре белән таныштылар.

Бүген Теләче 3нче балалар бакчасы коллективы «Урманны саклыйк» Бөтенроссия акциясе кысаларында агач утыртуда катнашты.

Теләче 3 нче номерлы балалар бакчасы тәрбиячеләре «Әти белән бергә»дип исемләнгән флешмоб оештырдылар.

Теләче 3нче номерлы балалар бакчасында «Минем әти» дип исемләнгән балалар рәсемнәре күргәзмәсе оештырылды.

Теләче 3 нче номерлы балалар бакчасы «Уңыш көне» Бөтенроссия акциясендә катнашты.

Бүген Укытучылар көне уңаеннан мәктәпкә әзерлек төркеме балалары «Укытучы-мәктәп» дигән сюжетлы-рольле уен уйнадылар.