Укучыларыбыз “Язгы гөлләр” дип аталган концерт программасы белән Юртыш мәдәният йортында  чыгыш ясадылар. Матур җырлары, биюләре, көлдергечләре, нәфис сүзләре белән авыл халкын күңелле ял иттерделәр.

Көннең яктылыгы кояшта, күкнең матурлыгы йолдызларда, җир йөзенең гүзәллеге хатын-кызларда. Сезне шул җир йөзен бизәген
халыкара хатын-кызлар көне белән тәбриклибез! Бәйрәмнең кайсы да тәнгә җиңеллек, рәхәтлек, җанга ял алып килә. Шушы бәйрәм көне, елмаеп баткан кояш матурлыгын, табигатьнең самимилеген өстәп, күңелегезгә шатлык, тәнегезгә сихәтлек, өегезгә иминлек алып килсен.

Бүген мәктәптә “Күке” радиосы эшләде. Укучылар бәйрәм белән укытучы апаларын, классташларын котлап җырлар башкардылар, биюләр бүләк иттеләр.

В конкурсе КВН среди команд учителей школы, посвященного 80 – летнему юбилею Высокогорского муниципального района,  команда наших учителей «Умарта кортлары» заняла  III  место. Поздравляем!!!

Бүген мәктәптә балаларның күптән зарыгып көтеп алган “Аҗаган-2015” уены булды. Укучыларыбыз чаңгыда ярыштылар, мина эзләделәр, граната ыргыттылар, автомат сүтеп җыйдылар, аркан тартыштылар, флаг алдылар. Барлык ярышлар да бик кызыклы үтте. Ике команда да  бердәм, көчле булуларын күрсәттеләр.  Барлык уеннар да беткәч, учакта пешкән аш белән сыйландылар.

23 нче февраль уңаеннан 8-11 сыйныф  укучылары өчен “Мистер – Гений” дип аталган интеллектуаль уен үткәрелде. Әлеге уен 4 турдан торды. 1 нче тур – “Бөек ачыш”, 2 нче тур – “Гыйлем аукционы”, 3 тур – “Эрудитлар спринты” һәм 4 нче тур – “Риск – Версия” дип аталды. Соңыннан җиңүчеләргә  Грамоталар һәм кыйммәтле бүләкләр тапшырылды. Җиңүчеләр: 1 урын 11нче  сыйныф егетләре, 2 урын – 9 нчы сыйныф егетләре, 3 урын -10 нчы сыйныф егетләре, 4 урын – 8нче сыйныф егетләре.

2 нче сыйныф укучыларын эзтабарларга кабул иттек. Укучылар матур итеп шигырьләр сөйләделәр, кроссворд  чиштеләр, матур уеннар уйнадылар.