21 февраль көнне Лаеш районында  уздырылган “Женщина года” зональ бәйгесендә   җиңеп,  мәктәп директоры Газизова Фәридә Габдулла кызы финалга чыкты.  Алдагы бәйгедә аңа уңышлар теләп калабыз!!!

   Юртыш авылы китапханәчесе Ибраһимова Фирая укучылар белән даими элемтәдә тора. 21 февраль көнне  ул мәктәп укучыларын китапханәгә кайткан  яңа китаплар белән таныштырды.

20 февраль көнне  5-7 сыйныф егетләре арасында “Ягез әле, егетләр!” конкурсы булды.  Егетләребез  10 төр ярышта үзләренең булганлыкларын, уңганлыкларын күрсәттеләр. Әлеге ярышны 6 сыйныф кызлары алып бардылар. Ярышта 1 урынны – 7 сыйныф, 2 нче урынны – 5 сыйныф, 3 нче урынны – 6 сыйныф егетләре алды. 

Халыкара туган телләр көне уңаеннан, Биектауның 1 нче мәктәбендә Г.Тукай исемендәге шигырь сөйләүчеләр конкурсының район туры узды. Әлеге бәйгедә безнең мәктәпнең 8 нче сыйныф укучысы Фатыхова Алия 3 нче урынга лаек булды.

18 нче февраль көнне мәктәбебездә бөек мәгърифәтче, галим Каюм Насыйриның тууына 190 ел тулуга багышланган укучылар конференциясе үтте. Әлеге кичәдә 9 нчы сыйныф укучылары К.Насыйриның тормышы һәм төрле юнәлештәге эшчәнлеге буенча чыгыш ясадылар.

Мәктәптә “Очрашу мизгелләре”дип аталган  кичә булды. Кичәгә мәктәпне моннан 10, 20, 30, 40, 60 ел элек бетереп киткән укучылар килде. Бәйрәмгә әлеге мәктәпне салдырган директор Сәвия Хафизовна Загидуллина да кайтты.Ул укучылар  алдында чыгыш ясады. Бәйрәм укучыларның чыгышы белән үрелеп барды. Кичә бик эчтәлекле һәм бай булды.